Joshua 23:16 - Yn Vible Casherick 1775 1819

¹⁶ Tra vees shiu er vrishey conaant y Chiarn y Jee eu, doardee eh diu, as er n’gholl geiyrt er jeeghyn elley dy hirveish ad, as er choyrt ooashley daue; eisht bee corree’n Chiarn er ny vrasnaghey nyn ’oï, as bee shiu dy leah er nyn eebyrt veih’n cheer mie shen t’eh er choyrt diu.

Joshua 23:16 ပူးပေါင်းရင်းမြစ်များ

1 Reeaghyn 14:15

Son nee’n Chiarn Israel y woalley myr cuirtlagh t’er ny chraa ’syn ushtey, as nee eh Israel y astyrt ass y cheer vie shoh hug eh da ny ayraghyn oc, as nee eh ad y skeayley er cheu elley jeh’n awin, er-yn-oyr dy vel ad er n’yannoo ny keylljyn oc [son jallooyn,] brasnaghey yn Chiarn gys corree.

1 Reeaghyn 9:6

Agh my nee shiu ec traa erbee chyndaa ersooyl veih geiyrt orrym, shiuish ny nyn gloan, as gyn freayll my annaghyn as my lattyssyn ta mee er hoiaghey kiongoyrt riu, agh goll as shirveish jeeghyn elley, as cur ooashley daue;

1 Reeaghyn 9:7

Eisht nee’m Israel y yiarey magh veih’n cheer ta mee er chur daue: as y thie shoh ta mee er chasherickey son my ennym, scugh-ym ass my hilley; as hig Israel dy ve son craid as an-ghoo mastey dy chooilley phobble:

2 Reeaghyn 17:7

Son myr shen ve, dy row cloan Israel er n’yannoo peccah noi yn Chiarn y Jee oc, hug lesh ad seose ass cheer Egypt, veih fo laue Pharaoh ree Egypt, as er hirveish jeeghyn joarree,

2 Reeaghyn 24:20

Son trooid jymmoose y Chiarn haink shoh er Jerusalem as Judah, dy hilgey ad magh veih e enish, dy ren Zedekiah girree-magh noi ree Vabylon.

Isaiah 24:5

Ta’n cheer myrgeddin fo loght folley liorish ny cummaltee echey, er-yn-oyr dy vel ad er chassey ny leighyn, er chaghlaa ny oardaghyn, as er vrishey yn conaant dy bragh farraghtyn.

Jeremiah 32:23

As haink ad stiagh ayn, as ve oc ayns nyn gummal; agh cha dug ad biallys da dty choraa, chamoo jimmee ad ayns dty leigh; cha vel ad er n’yannoo veg jeh ooilley ny t’ou er harey daue dy yannoo; shen-y-fa t’ou er choyrt orroo ooilley’n kerraghey trome shoh.

Jeremiah 32:24

Cur-my-ner ny tooryn-caggee: t’ad er jeet gys yn ard-valley dy ghoaill eh; as ta’n ard-valley livreït gys laue ny Caldeanee ta caggey n’oï, lesh y chliwe as y ghortey, as y phaitt: as ta dty ghoan er nyn gooilleeney; as cur-my-ner, t’ou dy akin eh.

Earrooyn 33:56

Myrgeddin, hig eh gy-kione, dy Jean-yms riuish, myr smooinee mee dy yannoo roosyn.

Deuteronomy 17:3

As t’er n’gholl as er hirveish jeeghyn joarree, as er choyrt ooashley daue, edyr da’n ghrian, ny da’n eayst, ny da veg jeh pooaraghyn sollys yn aer, shoh ta mish er lhiettal;

Deuteronomy 28:15

Agh hig eh gy-kione, mannagh n’eaisht oo rish coraa’n Chiarn dty Yee, dy reayll dy tastagh ooilley e oardaghyn, as e lattyssyn ta mish dy harey dhyt jiu; dy jig ooilley ny mollaghtyn shoh ort, as berree ad ort.

Deuteronomy 6:15

(Son ta’n Chiarn dty Yee, ny Yee eadolagh ny mast’ eu) er-aggle dy bee corree yn Chiarn er ny vrasnaghey dt’oï, as dy jean eh dty stroie veih eaghtyr y thallooin.

Briwnyn 2:14

As va jymmoose yn Chiarn er ny vrasnaghey noi Israel, as ren eh ad y livrey gys laueyn ny spooilleyderyn ren ad y roostey, as chreck eh ad gys laueyn nyn noidyn ooilley mygeayrt, myr shen nagh voddagh ad veg sodjey shassoo roish nyn noidyn.

Briwnyn 2:20

As va corree yn Chiarn cheh noi Israel; as dooyrt eh, Er-yn-oyr dy vel y pobble shoh er vrishey my chonaant ren mee rish nyn ayraghyn, as nagh vel ad er choyrt geill da my choraa’s;

1 Samuel 12:25

Agh my nee shiu tannaghtyn dy chur-rish olk, hed shiu naardey, chammah shiu-hene as nyn ree.