Joshua 23:15 - Yn Vible Casherick 1775 1819

¹⁵ Shen-y-fa hig eh gy-kione, ’naght myr ta dy chooilley nhee mie er jeet erriu, ta’n Chiarn nyn Yee er yialdyn diu; myr shen ver y Chiarn lesh erriu dy chooilley olk, derrey vees eh er stroie shin ass y cheer mie shoh ta’n Chiarn nyn Yee er choyrt diu.

Joshua 23:15 ပူးပေါင်းရင်းမြစ်များ

1 Reeaghyn 14:15

Son nee’n Chiarn Israel y woalley myr cuirtlagh t’er ny chraa ’syn ushtey, as nee eh Israel y astyrt ass y cheer vie shoh hug eh da ny ayraghyn oc, as nee eh ad y skeayley er cheu elley jeh’n awin, er-yn-oyr dy vel ad er n’yannoo ny keylljyn oc [son jallooyn,] brasnaghey yn Chiarn gys corree.

1 Reeaghyn 8:56

Bannit dy row’n Chiarn, t’er chur fea da e phobble Israel, cordail rish ooilley e yialdinys: cha vel fockle hene er vailleil jeh ooilley e yialdinys, ren eh gialdyn liorish e harvaant Moses.

Isaiah 24:6

Shen-y-fa ta’n mollaght er stroie yn cheer, as ta e chummaltee currit mow: shen-y-fa ta fir-vaghee ny hooirey losht, as beggan deiney faagit.

Jeremiah 32:24

Cur-my-ner ny tooryn-caggee: t’ad er jeet gys yn ard-valley dy ghoaill eh; as ta’n ard-valley livreït gys laue ny Caldeanee ta caggey n’oï, lesh y chliwe as y ghortey, as y phaitt: as ta dty ghoan er nyn gooilleeney; as cur-my-ner, t’ou dy akin eh.

Jeremiah 32:42

Son shoh myr ta’n Chiarn dy ghra, ’Naght myr ta mee er choyrt ooilley’n kerraghey trome shoh er y pobble shoh, ver-ym daue myrgeddin ooilley’n mie yiall mee daue.

Jeremiah 35:17

Shen-y-fa shoh myr ta’n Chiarn, Jee ny flaunyssee, Jee Israel, dy ghra, Cur-my-ner, ver-yms lhiam er Judah, as er ooilley cummaltee Yerusalem, ooilley ny huilk ta mee er n’ockley magh nyn ’oï: er-yn-oyr dy vel mee er loayrt roo, agh cha dug ad clashtyn dou; as ta mee er n’eamagh orroo, agh cha vel ad er my reggyrt.

Leviticus 26:3

My nee shiu shooyl ayns my lattyssyn, as freayll m’annaghyn, as jannoo ad;

1 Thessalonianee 2:16

Lhiettal shin veih loayrt rish ny Ashoonyn-quaagh, dy voddagh ad v’er nyn sauail, dy lhieeney seose dy kinjagh towse nyn beccaghyn: son ta corree dy heet orroo gys y chooid sodjey.

Briwnyn 13:1

As ren cloan Israel reesht shen ny va olk ayns shilley’n Chiarn; as ren y Chiarn ad y livrey gys laue ny Philistinee da-eed bleïn.

Briwnyn 3:12

As ren cloan Israel olk reesht ayns shilley’n Chiarn: as ren y Chiarn Eglon ree Voab y niartaghey noi Israel, er-yn-oyr dy row ad er n’yannoo olk ayns shilley’n Chiarn.

Briwnyn 3:8

Shen-y-fa va corree yn Chiarn er ny ghreinnaghey noi Israel, as chreck eh ad gys laue Chushan-rishathaim ree Mesopotamia: as ren cloan Israel shirveish Chushan-rishathaim hoght bleeaney.

Briwnyn 6:1

As ren cloan Israel olk reesht ayns shilley yn Chiarn; as livrey yn Chiarn ad gys laue Vidian shiaght bleeaney.