Joshua 23:12 - Yn Vible Casherick 1775 1819

¹² Agh my nee shiu er aght erbee coyrt cooyl, as lhiantyn rish fooilliagh ny ashoonyn shoh, ta foast ny mast’ eu, as my nee shiu poosaghyn roo, as jannoo cleunys roosyn, ny adsyn riuish;

Joshua 23:12 ပူးပေါင်းရင်းမြစ်များ

Genesis 2:24

Er-yn-oyr shoh faagee dooinney e ayr as e voir, as bee eh er ny lhiantyn gys e ven: as bee ad un eill.

Genesis 34:3

As ren e chree lhiantyn gys Dinah inneen Yacob; as v’eh ayns graih rish y ven aeg, as loayr eh dy dooie r’ee.

1 Reeaghyn 11:2

Jeh ny ashoonyn mychione oc dooyrt y Chiarn rish cloan Israel, Cha bee veg euish dy yannoo roosyn, ny adsyn riuish: son nee ad son shickyrys chyndaa ersooyl ny creeaghyn euish lurg ny jeeghyn oc hene. Ren Solomon lhiantyn huc shoh ayns graih.

1 Reeaghyn 11:4

Son haink eh gy-kione, tra va Solomon shenn, dy violee e vraane eh dy eiyrt er jeeghyn elley: as cha row e chree ynrick gys y Chiarn e Yee, myr va cree Ghavid e ayr.

Psalmyn 125:5

Er son nyn lheid as ta chyndaa reesht gys yn olkys oc hene: leeidee yn Chiarn ad magh marish ny drogh-yantee; agh bee shee er Israel.

Psalmyn 36:3

Ta goan e veeal neu-ynrick as lane dy oalsaght: t’eh er vaagail jeh dy ymmyrkey eh-hene dy creeney, as jeh jannoo dy mie.

Isaiah 1:4

Ah, ashoon peccoil, pobble laadit lesh olk, sluight dy ghrogh-yantee, cloan stroialtagh! t’ad er hreigeil y Chiarn, t’ad er vrasnaghey jymmoose fer-casherick Israel, t’ad er hyndaa cooyl rhym.

Ezekiel 18:24

Agh tra ta’n dooinney cairal chyndaa ersooyl veih e chairys, as cur-rish mee-chairys, as jannoo lurg ooilley ny peccaghyn eajee ta’n drogh ghooinney cur-roo, bee y lheid echeysyn bio? ooilley’n chairys t’eh er n’yannoo, cha bee eh enmyssit da: ayns e loghtyn t’eh er n’yannoo, as ayns e pheccah t’eh er ny ve cur-rish, ayndoosyn yiow eh baase.

Zephaniah 1:6

As adsyn ta er chur cooyl rish y Chiarn, as adsyn nagh ren shirrey huggey, ny briaght er e hon.

Noo Mian 12:45

Eisht t’eh goll, as cur lesh mârish shiaght spyrrydyn elley ta ny smessey na eh hene, as t’ad goll stiagh as cummal ayns shen: as ta stayd yerrinagh yn dooinney shen ny s’doogh na’n toshiaght. Eer myr shoh hig eh dy ve er y cheeloghe vee-chrauee shoh.

Noo Ean 6:66

Veih yn traa shen hie ymmodee jeh e eiyrtee back, as cha huill ad arragh mârish.

Romanee 12:9

Lhig da graih ve fegooish foalsaght. Cur-jee dwoaie da shen ta olk, lhian-jee gys shen ta mie.

Deuteronomy 6:15

(Son ta’n Chiarn dty Yee, ny Yee eadolagh ny mast’ eu) er-aggle dy bee corree yn Chiarn er ny vrasnaghey dt’oï, as dy jean eh dty stroie veih eaghtyr y thallooin.

Deuteronomy 7:3

Chamoo jean poosaghyn roo; cha der oo dty inneen da’n mac echeysyn, chamoo nee oo yn inneen echeysyn y ghoaill da dty vac.

Deuteronomy 7:4

Son cleaynee ad dty vac voym’s, dy hirveish jeeghyn joarree: myr shoh vees corree yn Chiarn er ny oaddey nyn ’oï, as stroie eh shiu doaltattym.

Joshua 23:11

Bee-jee er-y-fa shen feer imneagh, dy chur graih da’n Chiarn y Jee eu.

1 Ean 2:9

Eshyn ta gra dy vel eh ’sy toilshey, as feoh echey er e vraar, t’eh dy jarroo foast ayns dorraghys.

Briwnyn 14:3

Eisht dooyrt e ayr as e voir rish, Nagh vel ben ry-gheddyn mastey inneenyn dty chynney, ny mastey ooilley my phobble, dy vel oo shirrey dy ghoaill dhyt ben jeh ny Philistinee chymmyltee? as dooyrt Samson rish e ayr, Fow dou ee, son s’laik lhiam ee dy mie.

Briwnyn 3:6

As ghow ad ny inneenyn oc dy ve son mraane daue, as hug ad ny inneenyn oc hene da ny mec ocsyn, as hirveish ad ny jeeghyn oc.