Joshua 23:10 - Yn Vible Casherick 1775 1819

¹⁰ Nee un dooinney jiuish gimman ersooyl thousane; son she’n Chiarn y Jee eu ta caggey er nyn son, myr yiall eh diu.

Joshua 23:10 ပူးပေါင်းရင်းမြစ်များ

2 Samuel 23:8

Shoh enmyn ny deiney niartal v’ayns shirveish Ghavid: Yn Tachmonite, yn er b’yrjey soit jeh mastey ny captanyn; (yn er cheddin va Adino yn Eznite;) hrog eh seose e shleiy noi hoght cheead, ren eh y varroo ec yn un traa.

1 Recortyssyn 5:20

As hooar ad y varriaght orroo, as va ny Hagariteyn er nyn livrey gys y laue oc, as ooilley ny va mâroo: son deïe ad gys Jee ayns y chaggey, as hug eh clashtyn daue, er-yn-oyr dy dug ad nyn marrant er.

1 Recortyssyn 5:22

Son va ymmodee jeu er ny stroie, son va’n caggey veih Jee. As ren ad baghey ayns ny ynnydyn oc, derrey’n chappeeys.

Psalmyn 35:1

Gow my chooish ayns laue, O Hiarn, roosyn ta streeu rhym: as jean uss caggey noi ocsyn ta caggey m’oï.

Psalmyn 46:7

Ta’n Chiarn dy heshaght-chaggee flaunys mârin: she Jee Yacob yn chemmyrk ain.

Exodus 14:14

Nee’n Chiarn caggey er nyn son, as bee-jee shiuish nyn dhost.

Isaiah 30:17

Nee thousane chea ec oghsan unnane; ec oghsan queig nee shiu roie er-chea; derrey vees shiu faagit myr aile son cowrey-caggee er mullagh slieau, as myr mergey er cronk.

Leviticus 26:7

As hed shiuish er-eiyrt’s nyn noidyn, as tuittee ad rhymbiu liorish y chliwe,

Leviticus 26:8

As nee queig jiuish keead y eiyrt ersooyl, as ver keead jiu er jeih thousaneyn cur cooyl: as nee nyn noidyn tuittym rhymbiu liorish y chliwe.

Zechariah 12:8

Nee’n Chiarn ayns y laa shen fendeil cummaltee Yerusalem: as bee eshyn ta faase ny-vud oc ’sy laa shen goll-rish David; as bee thie Ghavid goll-rish Jee, as myr ainle y Chiarn goll rhymboo.

Romanee 8:31

Cre jir mayd eisht rish ny reddyn shoh? my ta Jee lhien, quoi oddys ve nyn ’oï?

Deuteronomy 20:3

As jir eh roo, Eaisht, O Israel, ta shiu tayrn yn laa jiu er-gerrey gys caggey noi nyn noidyn; ny caill-jee nyn gree, ny gow-jee aggle, as ny bee-jee er-creau, ny fo atchim erbee kyndagh roo:

Deuteronomy 20:4

Son ta’n Chiarn nyn Yee eshyn ta goll mêriu, dy chaggey er nyn son noi nyn noidyn, dy hauail shiu.

Deuteronomy 28:7

Ver y Chiarn er dty noidyn, ta troggal seose dt’oï, dy ve bwoailt kiongoyrt rish dt’eddin: hig ad magh dt’oï un raad, as nee ad chea royd shiaght raaidyn.

Deuteronomy 3:22

Ny gow-jee aggle roue: son nee’n Chiarn y Jee eu caggey er nyn son.

Deuteronomy 32:20

As dooyrt eh, M’eddin neem’s y hyndaa voue, as hee-ym cre’n erree hig orroo: son sheeloghe feer frowartagh ad, cloan nagh vel veg y treisht orroo.

Deuteronomy 32:30

Nagh jinnagh eisht un dooinney gimman ersooyl thousane, as daa ghooinney jeih thousaneyn, agh dy row nyn Greg er chreck ad, as y Chiarn er n’yeigh ad seose?

Joshua 10:42

As ooilley ny reeaghyn shoh as nyn gheer ren Joshua ’ghoaill mysh yn un traa; son dy ren y Chiarn Jee Israel caggey ayns lieh Israel.

Joshua 23:11

Bee-jee er-y-fa shen feer imneagh, dy chur graih da’n Chiarn y Jee eu.

Joshua 23:3

As ta shiu er vakin ooilley ny ta’n Chiarn y Jee eu er n’yannoo rish ooilley ny ashoonyn shoh er y ghraih euish: son she’n Chiarn y Jee eu t’er chaggey er nyn son.

Briwnyn 15:15

As hooar eh craue-keeill noa dy assyl, as ghow eh ny laue eh, as varr eh thousane dooinney lesh.

Briwnyn 3:31

As ny lurg-syn hrog Shamgar, mac Anath, varr jeh ny Philistinee shey cheead dooinney lesh lorg immanagh: as ren eshyn myrgeddin livrey Israel.

1 Samuel 14:6

As dooyrt Jonathan rish y dooinney aeg e armyder, Tar, as lhig dooin goll harrish gys garrison ny chymmyltee shoh: foddee eh ve dy jean y Chiarn gobbraghey er nyn son: son te’n un chooid da’n Chiarn dy hauail liorish mooarane ny liorish beggan.