Joshua 22:9 - Yn Vible Casherick 1775 1819

⁹ As hyndaa cloan Reuben, as cloan Ghad, as lieh-tribe Vanasseh, as daag ad cloan Israel ec Shiloh t’ayns cheer Chanaan, dy gholl gys cheer Ghilead, thalloo nyn eiraght, haink er yn ayrn oc, cordail rish goo’n Chiarn liorish Moses.

Joshua 22:9 ပူးပေါင်းရင်းမြစ်များ

2 Samuel 2:9

As ren eh eh ny ree harrish Gilead, as harrish ny Ashuriteyn, as harrish Jezreel, as harrish Ephraim, as harrish Benjamin, as harrish ooilley Israel.

1 Recortyssyn 5:9

As lesh y shiar, va e chummal gys oirr yn aasagh, veih awin Euphrates: son dy row’n maase oc er ny vishaghey ayns cheer Ghilead.

Psalmyn 60:7

Ta Gilead lhiam’s, as lhiam’s Manasses: ta Ephraim myrgeddin niart my chione; she Juda ta coyrt my leigh.

Earrooyn 32:1

Nish va ec cloan Reuben, as cloan Ghad earroo feer vooar dy ollagh: as tra honnick ad dy row thalloo Jazer, as thalloo Ghilead, pastyr mie son ollagh:

Earrooyn 32:20

As dooyrt Moses roo, My nee shiu shoh, my hed shiu eïllit roish y Chiarn gys y chaggey,

Earrooyn 32:22

As dy bee yn cheer er ny ghoaill roish y Chiarn: eisht hig shiu thie, as bee shiu neu-chyndagh fenish y Chiarn, as kiongoyrt rish Israel; as bee’n cheer shoh nyn eiraght roish y Chiarn.

Earrooyn 32:26

Faagee mayd nyn gloan, nyn mraane, nyn shioltaneyn, as ooilley’n maase ain, ayns ard-valjyn Ghilead.

Earrooyn 32:29

As dooyrt Moses roo, My hed cloan Ghad, as cloan Reuben mêriu harrish Jordan, dy chooilley ghooinney ayns e choamrey-caggee roish y Chiarn, as dy bee’n cheer er ny ghoaill kiongoyrt riu; eisht ver shiu daue thalloo Ghilead son eiraght:

Deuteronomy 3:18

As hug mee currym erriu ec y traa shen, gra, Ta’n Chiarn nyn Yee er choyrt diu yn cheer shoh, dy chummal ayn: hed shiu ooilley ny ta cooie son caggey magh armit, roish nyn mraaraghyn cloan Israel.

Deuteronomy 3:20

Derrey ver y Chiarn shee da nyn mraaraghyn, chammah as diuish, as derrey yiow adsyn myrgeddin cummallyn ayns y cheer, ta’n Chiarn nyn Yee er choyrt daue cheu elley dy Yordan: as eisht nee dy chooilley ghooinney jiu chyndaa gys e eiraght, ta mee er choyrt diu.

Deuteronomy 34:1

As hie Moses seose veih cheer-rea Voab, gys slieau Nebo, gys mullagh Pisgah, ta er-gerrey da Jericho: as yeeagh y Chiarn da ooilley cheer Ghilead, choud as Dan.

Joshua 13:11

As Gilead, as ardjyn ny Geshuriteyn, as Maachathiteyn, as slane cronk Hermon, as ooilley Bashan gys Salcah;

Joshua 13:25

As va’n ayrn ocsyn Jazer, as ooilley baljyn Ghilead, as y derrey lieh jeh cheer cloan Ammon, gys Aroer ta liorish Rabbah;

Joshua 13:31

As va lieh Ghilead, as Ashtaroth, as Edrei, baljyn reeriaght Og ayns Bashan, er ny choyrt da cloan Vachir mac Vanasseh, ta shen, da’n derrey lieh jeh cloan Vachir rere nyn gynneeyn.

Joshua 22:10

As tra haink ad gys oirr Yordan, t’ayns cheer Chanaan, ren cloan Reuben, as cloan Ghad, as lieh-tribe Vanasseh, altar mooar y hroggal ayns shen liorish Jordan, altar feer ard as cronnal.

Briwnyn 20:1

Eisht hie ooilley cloan Israel magh, as v’ad er nyn jaglym cooidjagh myr un dooinney, veih Dan eer gys Beer-sheba, marish cheer Ghilead, fenish y Chiarn ayns Mizpeh.

Briwnyn 5:17

Duirree Gilead cheu elley dy Yordan: as cre’n-fa va Dan cur rish e lhuingys? duirree Asher rish oirr ny marrey, as v’eh ny haaue ayns ny purtyn.