Joshua 22:8 - Yn Vible Casherick 1775 1819

⁸ As loayr eh roo, gra, Chyndaa-jee gys nyn gummallyn lesh ymmodee berchys, as lesh mooarane maase, lesh argid, as lesh airh, as lesh prash, as lesh yiarn, as lesh palchey coamraghyn: rheynn shiu spooilley nyn noidyn rish nyn mraaraghyn.

Joshua 22:8 ပူးပေါင်းရင်းမြစ်များ

1 Recortyssyn 5:9

As lesh y shiar, va e chummal gys oirr yn aasagh, veih awin Euphrates: son dy row’n maase oc er ny vishaghey ayns cheer Ghilead.

2 Recortyssyn 17:5

Shen-y-fa ren y Chiarn yn reeriaght y niartaghey ayns e laue, as hug ooilley Judah lhieu gys Jehoshaphat giootyn, dy ren eh bishaghey dy mooar ayns berchys as ooashley.

2 Recortyssyn 32:27

As va Hezekiah erskyn-towse berchagh as onnoroil: as ren eh thieyn-stoyr son argid, as son airh, as son claghyn costal, as son spiceyn, as son eilley-caggee, as son dy chooilley horch dy yewellyn aalin;

Psalmyn 68:12

Ren reeaghyn lesh nyn sheshaghtyn-caggee roie er-chea, as v’ad er nyn goyrt fo-chosh: as adsyn jeh’n lught-thie rheynn ad y spooilley.

Raaghyn Creeney 3:16

Ta beaynid laghyn ayns y laue yesh eck, as ayns e laue chiare berchys as ooashley.

Earrooyn 31:27

As rheynn-jee yn spooilley ayns daa ayrn; eddyr adsyn va ayns y chaggey, as eddyr ooilley’n cheshaght;

1 Corinthianee 15:58

Shen-y-fa, my chaarjyn graihagh, shass-jee shickyr, gyn scughey, dy kinjagh goll er nyn doshiaght ayns obbyr y Chiarn, son wheesh as dy vel fys eu nagh vel y laboraght eu ayns fardail ayns y Chiarn.

Hebrewnee 11:26

Jeeaghyn er oltooan Chreest berchys smoo na tashtaghyn Egypt; son va sooill echey gys cooilleen yn leagh.

1 Samuel 30:16

As tra v’eh er chur lesh eh sheese, cur-my-ner v’ad skeaylt ooilley fud y vagheragh, gee, as giu, as daunsin, son boggey jeh’n spooilley mooar v’ad er n’ghoaill ass cheer ny Philistinee, as cheer Yudah.

1 Samuel 30:24

Son quoi eh oddys shassoo lhieu ayns y chooish shoh? agh corrym rish ayrn y dooinney ta goll gys y chaggey, vees yn ayrn echeysyn ta fuirriaght nyn yeï son gard er y chooid.