Joshua 22:4 - Yn Vible Casherick 1775 1819

⁴ As nish ta’n Chiarn nyn Yee er choyrt fea da nyn mraaraghyn, myr yiall eh daue: shen-y-fa nish, chyndaa-jee as immee-jee gys nyn gummallyn hene, as gys cheer nyn eiraght, hug Moses sharvaant y Chiarn diu er y cheu elley dy Yordan.

Joshua 22:4 ပူးပေါင်းရင်းမြစ်များ

1 Recortyssyn 22:18

Nagh vel y Chiarn nyn Yee mêriu? as nagh vel eh er choyrt fea diu er dy chooilley heu? son t’eh er livrey cummaltee’n cheer gys my laue; as ta’n cheer er ny injillaghey kiongoyrt rish y Chiarn, as kiongoyrt rish e phobble.

Exodus 33:14

As dooyrt eshyn, Bee my enish mayrt, as ver-ym dhyt fea.

Earrooyn 32:18

Cha jig mayd back gys nyn dhieyn hene, derrey vees dy chooilley ghooinney jeh cloan Israel er ny hickyraghey ayns e eiraght hene:

Deuteronomy 12:9

Son cha vel shiu foast er jeet gys y boayl dy aash, as gys yn eiraght ta’n Chiarn nyn Yee ry-hoi coyrt diu.

Deuteronomy 29:8

As ghow shin y cheer oc, as hug shin eh son eiraght da ny Reubeniteyn, as da ny Gaditeyn, as da lieh-tribe Vanasseh.

Deuteronomy 3:20

Derrey ver y Chiarn shee da nyn mraaraghyn, chammah as diuish, as derrey yiow adsyn myrgeddin cummallyn ayns y cheer, ta’n Chiarn nyn Yee er choyrt daue cheu elley dy Yordan: as eisht nee dy chooilley ghooinney jiu chyndaa gys e eiraght, ta mee er choyrt diu.

Hebrewnee 4:8

Son my veagh Joshua er chur fea daue, cha row eh ny lurg shen er loayrt mychione laa elley.

Joshua 1:15

Derrey vees y Chiarn er choyrt fea da nyn mraaraghyn, myr t’eh er choyrt diuish, as derrey t’adsyn myrgeddin er ghoaill possession jeh’n cheer ta’n Chiarn yn Jee eu dy choyrt daue: eisht nee shiuish chyndaa gys cheer yn eiraght eu hene, as soylley ’ghoaill jeh, ren Moses, sharvaant y Chiarn, coyrt diu er y cheu shoh dy Yordan, lesh irree ny greïney.

Joshua 12:6

Ad shoh ren Moses sharvaant y Chiarn as cloan Israel y woalley: as hug Moses sharvaant y Chiarn shoh son eiraght da ny Reubeniteyn, as ny Gaditeyn, as lieh-tribe Vanasseh.

Joshua 13:15

As hug Moses da tribe cloan Reuben eiraght cordail rish ny kynneeyn oc:

Joshua 13:8

Mâroo ta ny Reubeniteyn as ny Gaditeyn er gheddyn nyn eiraght, hug Moses daue, cheu elley dy Yordan, lesh y shiar, rere myr hug Moses sharvaant y Chiarn daue;

Joshua 22:3

Cha vel shiu er hreigeil nyn mraaraghyn ry-foddey dy hraa gys y laa jiu, agh ta shiu er chooilleeney currym y Chiarn nyn Yee.