Joshua 22:31 - Yn Vible Casherick 1775 1819

³¹ As dooyrt Phinehas, mac Eleazar y saggyrt, rish cloan Reuben, as cloan Ghad, as rish cloan Vanasseh, Ta shin toiggal y laa jiu dy vel y Chiarn ny mast’ ain, son nagh vel shiu er n’yannoo’n peccah shoh noi’n Chiarn: nish ta shiu er livrey cloan Israel veih jymmoose y Chiarn.

Joshua 22:31 ပူးပေါင်းရင်းမြစ်များ

2 Recortyssyn 15:2

As hie eh magh quail Asa, as dooyrt eh rish, Clasht-jee rhym’s Asa, as ooilley Yudah as Venjamin, Ta’n Chiarn mêriu, choud as vees shiu mârishyn; as my nee shiu shirrey huggeysyn, bee eh er ny gheddyn lieriu; agh my hreigys shiu eshyn, nee eh shiuish y hreigeil.

Ezra 7:5

Mac Abishua, mac Phinehas, mac Eleazar, mac Aaron yn ard-saggyrt.

Psalmyn 68:17

Ta fainee Yee feed thousane, dy jarroo thousaneyn dy ainleyn: as ta’n Chiarn ny mast’ oc, myr ayns ynnyd casherick Sinai.

Exodus 25:8

As lhig daue ynnyd casherick y yannoo er my hon; dy vod my enish ve ny mast’ oc.

Isaiah 12:6

Eïe magh, as yllee, uss chummaltagh Zion: son s’mooar ta’n Fer-casherick dy Israel cheu-sthie jeed.

Zechariah 8:23

Myr shoh ta Chiarn ny flaunyssee dy ghra, Ayns ny laghyn shen hig eh gy-kione, dy jean jeih deiney ass dy chooilley ghlare jeh ny ashoonee greme y ghoaill, eer greme er yn rumbyl echeysyn ta ny Hew, gra, Hed mayd mêriu: son ta shin er chlashtyn dy vel Jee mêriuish.

Noo Mian 1:23

Cur-my-ner nee moidyn gientyn, as ver ee mac son y theihll, as nee ad genmys eh Emmanuel, ta shen dy ghra, Jee mârin.)

1 Corinthianee 14:25

As myr shoh ta folliaghtyn e chree er ny hoilshaghey; as myr shen, tuittym sheese er e eddin, ver eh ooashley da Jee, as nee eh fockley magh dy vel Jee dy firrinagh nyn mast’ eu.

Joshua 22:30

As tra cheayll Phinehas y saggyrt, as princeyn y cheshaght, as ard-gheiney thousaneyn Israel va mârish, ny goan va cloan Reuben, as cloan Ghad, as cloan Vanasseh, er loayrt, ghow ad lane boggey jeu.

Joshua 22:32

As hie Phinehas mac Eleazar y saggyrt, as ny princeyn, roue, veih cloan Reuben, as veih cloan Ghad, as thalloo Ghilead, gys cheer Chanaan, lesh fys gys cloan Israel.

Joshua 3:10

As dooyrt Joshua, Liorish shoh bee fys eu dy vel y Jee bio ny-vud eu, as dy jean eh son shickyrys geiyrt magh kiongoyrt riu ny Canaaniteyn, as ny Hittiteyn, as ny Hiviteyn, as ny Perizziteyn, as ny Girgashiteyn, as ny Amoriteyn, as ny Jebusiteyn.