Joshua 22:30 - Yn Vible Casherick 1775 1819

³⁰ As tra cheayll Phinehas y saggyrt, as princeyn y cheshaght, as ard-gheiney thousaneyn Israel va mârish, ny goan va cloan Reuben, as cloan Ghad, as cloan Vanasseh, er loayrt, ghow ad lane boggey jeu.

Joshua 22:30 ပူးပေါင်းရင်းမြစ်များ

Genesis 28:8

As myr honnick Esau nagh by-laik lesh Isaac e ayr inneenyn Chanaan:

2 Recortyssyn 30:4

As my-haittin lesh y ree, as ooilley’n pobble dy beagh eh myr shen.

Esther 1:21

As va’n choyrle mie ayns shilley yn ree, as ny princeyn, as ren y ree cordail rish goan Vemucan:

Raaghyn Creeney 15:1

Ta ansoor meeley meeinaghey corree: agh ta goan fargagh doostey jymmoose.

Jannoo 11:18

Tra cheayll ad shoh, v’ad nyn dhost, as hug ad gloyr da Jee, gra, Eisht ta Jee da ny Ashoonee myrgeddin er ghialdyn arrys gys bea.

Joshua 22:29

Ny lhig eh Jee dy n’irragh shin magh noi’n Chiarn, dy hreigeil shirveish y Chiarn, liorish troggal altar erbee son ourallyn-losht, son ourallyn-arran, ny son chebballyn, agh altar y Chiarn nyn Yee ta kiongoyrt rish e chabbane-agglish.

Joshua 22:31

As dooyrt Phinehas, mac Eleazar y saggyrt, rish cloan Reuben, as cloan Ghad, as rish cloan Vanasseh, Ta shin toiggal y laa jiu dy vel y Chiarn ny mast’ ain, son nagh vel shiu er n’yannoo’n peccah shoh noi’n Chiarn: nish ta shiu er livrey cloan Israel veih jymmoose y Chiarn.

Joshua 22:33

As ghow cloan Israel lane boggey jeh’n chooish; as ren cloan Israel Jee y vannaghey; as cha row smooinaghtyn sodjey oc dy gholl seose gys caggey nyn ’oï, dy stroie’n cheer ayn va cloan Reuben as Gad cummal.

Briwnyn 8:3

Ta Jee er livrey gys nyn laueyn princeyn Vidian, Oreb as Zeeb: as cre va mish abyl dy yannoo ayns soylaghey jiuish? Eisht va’n chorree oc er ny veiyghey, tra dooyrt eh shoh.

1 Samuel 29:6

Eisht deïe Achish er David, as dooyrt eh rish, Son shickyrys, myr ta’n Chiarn bio, t’ou er ny ve ynrick, gymmyrkey oo-hene myr sidoor mie, goll magh as stiagh mârym ’sy chaggey; son cha vel mee er gheddyn foill erbee aynyd, er-dyn traa haink oo hym gys y laa shoh: ny-yeih, cha vel ny chiarnyn booiagh jeed.