Joshua 22:29 - Yn Vible Casherick 1775 1819

²⁹ Ny lhig eh Jee dy n’irragh shin magh noi’n Chiarn, dy hreigeil shirveish y Chiarn, liorish troggal altar erbee son ourallyn-losht, son ourallyn-arran, ny son chebballyn, agh altar y Chiarn nyn Yee ta kiongoyrt rish e chabbane-agglish.

Joshua 22:29 ပူးပေါင်းရင်းမြစ်များ

Genesis 44:17

As dooyrt eh, Ny lhig y Jee, dy jinnin’s myr shen: agh y dooinney ayns e laue ta’n cappan er ny gheddyn, bee eshyn my harvaant; agh er nyn son euish, gow-jee reue seose ayns shee gys nyn ayr.

Genesis 44:7

As dooyrt ad rish, Cre’n-fa ta my hiarn gra ny goan shoh? Ny lhig y Jee, dy beagh dty harvaantyn kyndagh jeh lheid y red.

1 Reeaghyn 21:3

As dooyrt Naboth rish Ahab, Ny lhig eh Jee, dy lhiggin’s lhiat eiraght my ayraghyn.

2 Reeaghyn 18:22

Agh my jir shiu rhym’s, Ta shin treishteil ayns y Chiarn y Jee ain: nagh nee shen eshyn, ny ynnydyn ard as ny altaryn echey ta Hezekiah er ghoaill ersooyl, as er ghra rish Judah as Jerusalem, Nee shiu ooashley ’choyrt kiongoyrt rish yn altar shoh ayns Jerusalem?

2 Recortyssyn 32:12

Nagh nee shoh’n Hezekiah cheddin t’er ghoaill ersooyl ynnydyn ard as altaryn e Yee, as er harey Judah as Jerusalem, gra, Nee shiu ooashlaghey roish un altar, as incense y lostey er?

Romanee 3:6

Ny lhig eh Jee: son kys eisht nee Jee yn seihll y vriwnys?

Romanee 6:2

Ny lhig eh Jee: kys oddys shinyn ta marroo gys peccah, baghey ny-sodjey ayn?

Romanee 9:14

Cre jir mayd eisht? Vel neu-chairys marish Jee? Ny lhig eh Jee.

Deuteronomy 12:11

Shen y raad vees ynnyd nee yn Chiarn nyn Yee y reih, dy choyrt e ennym ayn, gys shen ver shiu lhieu ooilley ny ta mee dy harey diu, ny ourallyn-losht eu, ny chebballyn, ny jagheenyn, as oural-troggit-seose nyn laue, as y reih jeh dy chooilley vreearrey-arryltagh, ta shiu dy yannoo gys y Chiarn.

Joshua 22:23

Dy vel shin er hroggal dooin altar dy hyndaa veih’n Chiarn, ny dy ve ry-hoi chebbal er oural-losht, ny oural-arran, ny dy hebbal er ourallyn-shee, lhig da’n Chiarn hene briwnys eddyr shin;

Joshua 22:26

Dooyrt shin er-y-fa shen, Lhig dooin goaill ayns laue dy hroggal altar, cha nee son ourallyn-losht, ny son chebballyn;

Joshua 22:28

Dooyrt shin er-y-fa shen, tra jir ad myr shoh rooin, ny rish nyn sluight, ’sy traa ta ry-heet, dy vod mayd gansoor, Cur-jee my-ner sampleyr jeh altar y Chiarn, ren nyn ayraghyn y hroggal, cha nee ry-hoi chebballyn-losht, ny son ourallyn; agh son feanish eddyr shinyn as shiuish.

Joshua 22:30

As tra cheayll Phinehas y saggyrt, as princeyn y cheshaght, as ard-gheiney thousaneyn Israel va mârish, ny goan va cloan Reuben, as cloan Ghad, as cloan Vanasseh, er loayrt, ghow ad lane boggey jeu.

Joshua 24:16

As dreggyr y pobble, as dooyrt ad, Ny lhig eh Jee dy dreigagh shin y Chiarn, dy hirveish jeeghyn elley;

1 Samuel 12:23

Agh er my hon’s, ny lhig eh Jee dy jinnin peccah noi’n Chiarn liorish scuirr dy ghoaill padjer er nyn son: agh nee’m gynsaghey diu yn raad mie as cairagh.