Joshua 22:27 - Yn Vible Casherick 1775 1819

²⁷ Agh dy ve son feanish eddyr shiuish as shinyn, as nyn sheelogheyn nyn yeï, dy vel cairys ain dy heet gys shirveish y Chiarn ayns e eanish, lesh nyn ourallyn-losht, as lesh nyn jebballyn as lesh nyn ourallyn-shee; nagh jir yn chloan euish rish y chloan ainyn ayns y traa ta ry-heet, Cha vel ayrn euish ayns y Chiarn.

Joshua 22:27 ပူးပေါင်းရင်းမြစ်များ

Genesis 31:48

As dooyrt Laban, Ta’n carnane shoh feanish, eddyr mish as uss yn laa jiu. Shen-y-fa ve enmyssit Galeed,

Genesis 31:52

Dy bee yn carnane shoh ny eanish, as as dy bee yn pillar shoh ny eanish, nagh jig-yms harrish yn carnane shoh hood’s; as nagh jig uss harrish yn carnane as yn pillar shoh hym’s, son assee.

Psalmyn 16:5

Nyn ourallyn-iu folley cha jean-yms y hebbal: chamoo nee’m imraa jeh’n ennym oc cheu-sthie jeh my veillyn.

Isaiah 19:19

Ayns y laa shen vees altar da’n Chiarn ayns mean cheer Egypt, as pillar ayns e ardjyn sodjey magh gys y Chiarn.

Deuteronomy 12:11

Shen y raad vees ynnyd nee yn Chiarn nyn Yee y reih, dy choyrt e ennym ayn, gys shen ver shiu lhieu ooilley ny ta mee dy harey diu, ny ourallyn-losht eu, ny chebballyn, ny jagheenyn, as oural-troggit-seose nyn laue, as y reih jeh dy chooilley vreearrey-arryltagh, ta shiu dy yannoo gys y Chiarn.

Joshua 22:10

As tra haink ad gys oirr Yordan, t’ayns cheer Chanaan, ren cloan Reuben, as cloan Ghad, as lieh-tribe Vanasseh, altar mooar y hroggal ayns shen liorish Jordan, altar feer ard as cronnal.

Joshua 22:26

Dooyrt shin er-y-fa shen, Lhig dooin goaill ayns laue dy hroggal altar, cha nee son ourallyn-losht, ny son chebballyn;

Joshua 22:28

Dooyrt shin er-y-fa shen, tra jir ad myr shoh rooin, ny rish nyn sluight, ’sy traa ta ry-heet, dy vod mayd gansoor, Cur-jee my-ner sampleyr jeh altar y Chiarn, ren nyn ayraghyn y hroggal, cha nee ry-hoi chebballyn-losht, ny son ourallyn; agh son feanish eddyr shinyn as shiuish.

Joshua 22:34

As ren cloan Reuben, as cloan Ghad, genmys yn altar Ed: son bee eh son feanish eddyr shin dy vel y Chiarn y Jee ain.

Joshua 24:27

As dooyrt Joshua rish ooilley’n pobble, Cur-my-ner bee’n clagh shoh son feanish eddyr shin; son te er chlashtyn ooilley ny goan ta’n Chiarn er loayrt rooin: bee eh er-y-fa shen son feanish diu, nagh jean shiu gobbal yn Jee eu.

1 Samuel 7:12

Eisht ghow Samuel clagh, as hoie eh eh eddyr Mizpeh as Shen, as denmys eh eh Eben-ezer, gra, Choud shoh ta’n Chiarn er chooney lhien.