Joshua 22:25 - Yn Vible Casherick 1775 1819

²⁵ Son ta’n Chiarn er n’yannoo Jordan yn chagliagh eddyr shinyn as shiuish; cha vel veg y chairys euish, chloan Reuben, as chloan Ghad, ayns y Chiarn: myr shoh yinnagh yn chloan euish giarey magh y chloan ainyn veih shirveish y Chiarn.

Joshua 22:25 ပူးပေါင်းရင်းမြစ်များ

2 Samuel 20:1

As haghyr dooinney dy ve ayns shen, dooinney dy Velial, as yn ennym echey Sheba, mac da Bichri, ny Venjamite; as heid eh trumpet, as dooyrt eh, Cha vel ayrn erbee ainyn ayns David, chamoo ta eiraght ain ayns mac Jesse: dy chooilley ghooinney gys e hie hene, O Israel.

1 Reeaghyn 12:16

Myr shen tra honnick ooilley Israel nagh dug yn ree clashtyn daue, dreggyr yn pobble yn ree, gra, Cre’n ayrn t’ain ayns David? chamoo ta eiraght ain ayns mac Jesse: ersooyl-jee gys nyn gabbaneyn, O Israel: jeeagh nish da dty hie hene, Ghavid. Myr shoh jimmee Israel roue gys nyn gabbaneyn.

1 Reeaghyn 14:16

As livreyee eh Israel seose, kyndagh rish peccaghyn Yeroboam, eh ren peccah, as hayrn Israel gys peccah.

1 Reeaghyn 15:30

Kyndagh rish peccaghyn Yeroboam v’eh er n’yannoo, as er hayrn Israel ayndoo, liorish e ghrogh ymmyrkey lesh v’eh er vrasnaghey yn Chiarn Jee Israel gys corree.

Nehemiah 2:20

Eisht dreggyr mee ad, as dooyrt mee roo, Nee Jee t’ayns niau shin y vishaghey; shen-y-fa nee shinyn e harvaantyn troggal orrin as buildal, agh cha vel euish ayrn, ny cairys, ny imraa ayns Jerusalem.

Psalmyn 16:5

Nyn ourallyn-iu folley cha jean-yms y hebbal: chamoo nee’m imraa jeh’n ennym oc cheu-sthie jeh my veillyn.

Jannoo 8:21

Cha vel aart ny paart ayd ’sy chirveish shoh: son cha vel dty chree ynrick ayns shilley Yee.

Joshua 22:24

Agh dy nee eer son yn oyr shoh ren shin eh, er-aggle son y traa ta ry-heet dy jir y chloan euish rish y chloan ainyn, Cre ta’n Chiarn Jee Israel diuish?

Joshua 22:26

Dooyrt shin er-y-fa shen, Lhig dooin goaill ayns laue dy hroggal altar, cha nee son ourallyn-losht, ny son chebballyn;

Joshua 22:27

Agh dy ve son feanish eddyr shiuish as shinyn, as nyn sheelogheyn nyn yeï, dy vel cairys ain dy heet gys shirveish y Chiarn ayns e eanish, lesh nyn ourallyn-losht, as lesh nyn jebballyn as lesh nyn ourallyn-shee; nagh jir yn chloan euish rish y chloan ainyn ayns y traa ta ry-heet, Cha vel ayrn euish ayns y Chiarn.

1 Samuel 26:19

Nish er-y-fa shen, ta mee guee ort, lhig da my hiarn y ree geaishtagh rish goan dty harvaant: my she’n Chiarn t’er dty ghreinnaghey m’oï, lhig da soiaghey jeh my vioys son lhiasaghey: agh my she cloan gheiney ad, my vollaght orroo fenish y Chiarn; son t’ad er my imman magh ’sy traa t’ayn veih cummal ayns eiraght y Chiarn, wheesh as dy ghra, Immee, as shirveish jeeghyn joarree.