Joshua 22:24 - Yn Vible Casherick 1775 1819

²⁴ Agh dy nee eer son yn oyr shoh ren shin eh, er-aggle son y traa ta ry-heet dy jir y chloan euish rish y chloan ainyn, Cre ta’n Chiarn Jee Israel diuish?

Joshua 22:24 ပူးပေါင်းရင်းမြစ်များ

Genesis 18:19

Son ta fys aym, dy der eh sarey da e chloan as e lught-thie ny yeï, as freillee ad raaidyn y Chiarn, dy yannoo cairys as briwnys; dy vod y Chiarn cooilleeney da Abraham shen ny t’eh er loayrt my-e-chione.

Genesis 30:33

Myr shen nee my ynrickys gansoor er my hon ’sy traa ry-heet; tra hig shoh dy ve my aill ayns dty hilley hene; dy chooilley unnane nagh vel breck as spottagh mastey ny goair, as loaghtyn mastey ny kirree, lhig da shen ve coontit myr griu vaarlee.

Exodus 13:14

As shen myr vees eh, tra nee dty vac fênaght jeed ny lurg shoh, gra, Cre’n-fa ta shoh? Dy jir oo rish, Lesh laue lajer hug y Chiarn lesh shinyn magh ass Egypt, veih thie ny bondiaght.

Deuteronomy 6:20

As tra nee dty vac ’sy traa ta ry-heet fênaght jeed, gra, Cre ta dy ve toiggit liorish ny oardaghyn, as ny slattyssyn, as ny briwnyssyn ta’n Chiarn y Jee ain er harey diu?

Joshua 22:23

Dy vel shin er hroggal dooin altar dy hyndaa veih’n Chiarn, ny dy ve ry-hoi chebbal er oural-losht, ny oural-arran, ny dy hebbal er ourallyn-shee, lhig da’n Chiarn hene briwnys eddyr shin;

Joshua 22:25

Son ta’n Chiarn er n’yannoo Jordan yn chagliagh eddyr shinyn as shiuish; cha vel veg y chairys euish, chloan Reuben, as chloan Ghad, ayns y Chiarn: myr shoh yinnagh yn chloan euish giarey magh y chloan ainyn veih shirveish y Chiarn.

Joshua 4:6

Dy vod shoh ve cowrey ny-vud eu, tra nee nyn gloan briaght jeh nyn ayraghyn ’sy traa ry-heet, gra, Cre ta er ny hoiggal liorish ny claghyn shoh?