Joshua 22:22 - Yn Vible Casherick 1775 1819

²² Ec y Chiarn Jee dy yeeghyn, ec y Chiarn Jee dy yeeghyn, ta fys; as nee Israel hene toiggal; my te er-chee dy irree magh, ny ayns mee-viallys da’n Chiarn, (shen myr choonys eh lhien,)

Joshua 22:22 ပူးပေါင်းရင်းမြစ်များ

1 Reeaghyn 8:39

Eisht jean uss clashtyn ayns niau dty ynnyd-vaghee, as leih daue, as jean, as cur da dagh dooinney cordail rish e raaidyn, ayd ta fys cre t’ayns e chree; (son ayd’s, dy jarroo ayd’s dty-lomarcan, ta fys cre t’ayns creeaghyn ooilley cloan gheiney;)

Lioar Yob 10:7

Ta fys ayd nagh vel mee ooilley-cooidjagh foiljagh; as nagh vel fer erbee oddys livrey ass dty laue.

Lioar Yob 23:10

Agh shione dasyn my ymmyrkey: tra t’eh er my phrowal, hig-ym magh myr airh.

Lioar Yob 31:22

Eisht lhig da my roih tuittym veih my gheayltyn, as my laue ve brisht veih m’uillin.

Psalmyn 136:2

O cur-jee booise da Jee dy chooilley yee: son ta e vyghin farraghtyn son dy bragh.

Psalmyn 37:6

Nee eh dty chairys y yannoo cha sollys as y soilshey: as dty ghellal yeeragh myr y vun-laa.

Psalmyn 40:9

Chebballyn-losht, as oural son peccah cha vel oo er hirrey: eisht dooyrt mish, Jeeagh, ta mee cheet.

Psalmyn 44:21

My ta shin er yarrood ennym y Jee ain, as er chummal seose nyn laueyn gys Jee erbee joarree: nagh jean Jee eh y ronsaghey magh? son ta fys echey er eer folliaghtyn y chree.

Psalmyn 44:22

Er y ghraih ayd’s neesht ta shin er nyn gerraghey fey-ny-laa: as coontit myr kirree ta pointit dy v’er nyn stroie.

Psalmyn 50:1

Ta’n Chiarn, dy jarroo yn Jee smoo niartal, er loayrt: as er choyrt eam da’n seihll veih irree seose ny greïney gys y gholl sheese echey.

Psalmyn 82:1

Ta Jee shassoo ayns chaglym-cooidjagh ny princeyn: t’eshyn briw mastey Jeeghyn.

Psalmyn 95:3

Son ta’n Chiarn ny Yee mooar: as ny Ree mooar erskyn dy chooilley Yee.

Psalmyn 97:7

Bee adsyn ooilley er nyn goyrt gys nearey ta cur ooashley da jallooyn grainnit, as ta goaill taitnys ayns Jeeghyn fardalagh: cur-jee ooashley dasyn, ooilley shiuish Yeeghyn.

Exodus 18:11

Nish, ta fys aym, dy vel y Chiarn foddey erskyn dy chooilley Yee: son lesh ooilley nyn mooaralys v’eshyn er-nyn-skyn.

Jeremiah 12:3

Agh shione dhyt mish, O Hiarn; t’ou er m’akin, as er phrowal my chree dhyt hene: eiyr magh ad myr kirree ta kiarit dy baase, as cur dy lhiattee ad cour y laa t’ad dy gholl er stroie.

Jeremiah 17:10

Ta mish y Chiarn ronsaghey yn cree, ta mee prowal ny meeghyn, eer dy chooilleeney da dy chooilley ghooinney corrym rish e raaidyn, as cordail rish mess e obbraghyn.

Daniel 11:36

As nee yn ree lurg e aigney hene, as eh-hene y hroggal dy ard, as soiaghey seose eh-hene erskyn dy chooilley Yee, as loayree eh reddyn yindyssagh noi yn Jee dy yeeghyn, as hed eh er e hoshiaght, derrey vees y jymmoose er ny chooilleeney: son bee shen ta kiarit er ny yannoo mie.

Daniel 2:47

Dreggyr y ree Daniel, as dooyrt eh, Ta’n Jee euish son shickyrys Jee dy yeeghyn, as Chiarn er reeaghyn, as soilsheyder folliaghtyn, fakin dy row uss son y folliaght shoh y hoilshaghey.

Micah 7:9

Nee’m gymmyrkey jymmoose y Chiarn, er-yn-oyr dy vel mee er n’yannoo peccah n’oï, derrey nee eh loayrt ass my lieh, as briwnys y chooilleeney er my hon: ver eh lesh mee magh gys y toilshey, as ver-ym my-ner e chairys.

Malachi 3:18

Eisht nee shiu chyndaa, as ver shiu lhiettrimmys eddyr y dooinney cairal, as mee-chairal; eddyr eshyn ta shirveish Jee, as eshyn nagh vel shirveish eh.

Noo Ean 21:17

Dooyrt eh rish yn trass cheayrt, Simon mac Yonas, vel oo graihagh orrym? Va Peddyr mooar-seaghnit dy dooyrt eh rish yn trass cheayrt, Vel oo graihagh orrym? As dooyrt eh rish, Hiarn, ta fys ayd’s er dy chooilley nhee; as fys ayd hene dy vel mee graihagh ort. Dooyrt Yeesey rish, Jeeagh dy mie da my chirree.

Jannoo 1:24

As ghow ad padjer, as dooyrt ad, Uss, Hiarn, ayd ta fys cre t’ayns cree dy chooilley ghooinney, soilshee quoi jeh’n jees shoh t’ou er reih.

Jannoo 25:11

Son my ta mee my ghrogh-yantagh, ny my ta mee er n’yannoo nhee erbee dy hoilchin baase, cha vel mee gobbal baase y hurranse: agh mannagh vel yn irriney ayns nhee erbee t’ad shoh dy choyrt my lieh, cha vod dooinney erbee mish y livrey seose huc. Ta mee scughey yn chooish gys Cesar.

2 Corinthianee 11:11

Cre’n-oyr? nee son nagh vel graih aym erriuish? ec Jee ta fys.

2 Corinthianee 11:31

Ec Jee as Ayr nyn Jiarn Yeesey Creest, ta bannit son dy bragh, ta fys nagh vel mish jannoo breg.

2 Corinthianee 5:11

Toiggal er-y-fa shen atchim y Chiarn, ta shin coyrlaghey deiney; agh ta’n ynrickys ainyn er ny hoilshaghey gys Jee, as ta mee treishteil neesht, dy vel eh er ny hoilshaghey gys ny cooinsheanseyn euish.

Deuteronomy 10:17

Son ta’n Chiarn y Jee eu Jee dy yeeghyn, as Chiarn dy hiarnyn, Jee pooaral, niartal, as atchimagh, nagh vel jannoo soiagh jeh persoonyn, ny goaill leagh.

1 Timothy 6:16

Echeysyn ny-lomarcan ta’n vea dy bragh farraghtyn, baghey ’sy toilshey nagh vod dooinney erbee roshtyn huggey, eh nagh vel dooinney erbee er vakin, ny cha vod fakin: huggeysyn dy row ooashley as pooar dy bragh farraghtyn. Amen.

Hebrewnee 4:13

Chamoo ta cretoor erbee keillit ayns e enish: agh ta dy chooilley nhee rooisht as foshlit gys ny sooillyn echeysyn, da ta shin dy choyrt coontey.

Joshua 22:21

Eisht dreggyr cloan Reuben, as cloan Ghad, as lieh-tribe Vanasseh, as dooyrt ad rish ard-gheiney thousaneyn Israel,

Ashlish 19:16

As ta echey er e gharmad as er e lheeasid ennym scruit, REE DY REEAGHYN, AS CHIARN DY HIARNYN.

Ashlish 2:23

As stroie-ym yn chloan eck lesh baase; as bee fys ec ooilley ny kialteenyn dy nee mish eh ta ronsaghey ny meeaghyn as y cree: as ver-yms da dagh unnane eu cordail rish nyn obbraghyn.

1 Samuel 15:23

Son ta mee-viallys myr y peccah dy obbeeys, as roonid myr yn ard-pheccah dy yalloonys. Er-yn-oyr dy vel uss er choyrt cooyl rish goo’n Chiarn, t’eshyn myrgeddin er choyrt cooyl rhyt’s, nagh bee dty reeriaght beayn.

1 Samuel 2:3

Ny loayr-jee arragh lesh wheesh dy voyrn; ny lhig da mooaralys cheet magh ass nyn meeal: son ta’n Chiarn ny Yee dy hushtey, as liorishyn ta obbraghyn deiney er nyn dowse.