Joshua 22:18 - Yn Vible Casherick 1775 1819

¹⁸ Agh dy negin diu chyndaa ersooyl yn laa jiu veih geiyrt da’n Chiarn? as shoh myr vees eh, fakin dy vel shiuish er n’irree magh jiu noi’n Chiarn, dy bee e yymmoose er ny vrasnaghey mairagh noi slane pobble Israel.

Joshua 22:18 ပူးပေါင်းရင်းမြစ်များ

2 Samuel 24:1

As reesht va corree’n Chiarn er ny vrasnaghey noi Israel, as son va [Satan] er chleayney David nyn ’oï, gra, Immee, as gow earroo Israel as Yudah.

1 Reeaghyn 9:6

Agh my nee shiu ec traa erbee chyndaa ersooyl veih geiyrt orrym, shiuish ny nyn gloan, as gyn freayll my annaghyn as my lattyssyn ta mee er hoiaghey kiongoyrt riu, agh goll as shirveish jeeghyn elley, as cur ooashley daue;

2 Reeaghyn 17:21

Son yiare eh Israel jeh veih thie Ghavid; ad ren ad Jeroboam mac Nebat ny ree: as deiyr Jeroboam Israel veih shirveish y Chiarn, as hug eh orroo peccah trome y yannoo.

1 Recortyssyn 21:1

As hass Satan seose noi cloan Israel, as chleaynee eh David dy ghoaill yn earroo oc,

1 Recortyssyn 21:14

Myr shen hug y Chiarn y chramp er Israel: as huitt jeh Israel three-feed as jeih thousaneyn.

2 Recortyssyn 25:27

Nish lurg y traa hyndaa Amaziah ersooyl veih geiyrt er y Chiarn, dirree ad magh n’oï ayns Jerusalem, as chossyn eh roish gys Lachish: agh deiyr ad er gys Lachish, as varr ad eh ayns shen.

2 Recortyssyn 34:33

As ghow Josiah ersooyl ooilley ny jallooyn ass ooilley ny cheeraghyn va lesh cloan Israel, as hug eh er ooilley ny va kionfenish ayns Israel dy hirveish, eer dy hirveish yn Chiarn nyn Yee. As rish y slane lhing echeysyn, cha hreig ad y Chiarn, Jee nyn ayraghyn.

Leviticus 10:6

As dooyrt Moses rish Aaron, as rish Eleazar as rish Ithamar e vec. Ny jean-jee nyn ghing y roostey, chamoo raip-jee nyn goamraghyn, er-aggle dy vow shiu baase, as dy jig corree er ooilley’n pobble: agh lhig da ooilley nyn mraaraghyn, slane thie Israel, dobberan kyndagh rish y lostey shen ta’n Chiarn er n’oaddey.

Earrooyn 16:22

As huitt ad er nyn eddinyn, as dooyrt ad, O Yee, Jee spyrrydyn dy chooilley eill, jean un dooinney peccah, as bee uss corree rish ooilley’n cheshaght?

Earrooyn 32:15

Son my hyndaa-ys shiu ersooyl voishyn, faagee eh ad reesht ’syn aasagh, as nee shiuish stroie ooilley’n pobble shoh.

Deuteronomy 7:4

Son cleaynee ad dty vac voym’s, dy hirveish jeeghyn joarree: myr shoh vees corree yn Chiarn er ny oaddey nyn ’oï, as stroie eh shiu doaltattym.

Joshua 22:15

As haink ad gys cloan Reuben, as gys cloan Ghad, as gys lieh-tribe Vanasseh, ayns cheer Ghilead, as loayr ad roo, gra,

Joshua 22:16

Myr shoh ta slane pobble y Chiarn gra, Cre’n drogh obbyr shoh ta shiu er n’yannoo noi’n Jee dy Israel, dy hyndaa ersooyl veih shirveish y Chiarn ec y traa shoh, ayns dy vel shiu er hroggal altar diu hene, myr shoh nish girree magh noi’n Chiarn?

Joshua 22:20

Nagh row Achan mac Zerah kyndagh ’sy chooid mollaghtagh, as nagh huitt jymmoose er slane sheshaght Israel? cha nee eshyn ny-lomarcan v’er ny cherraghey son e vee-chairys.

Joshua 7:1

Agh va cloan Israel foiljagh ayns goaill jeh’n stoo custey: son ren Achan, mac Carmi, mac Zabdi, mac Zerah, jeh tribe Yudah, goaill jeh’n red custey: as va jymmoose yn Chiarn er ny vrasnaghey noi cloan Israel.

Joshua 7:11

Ta Israel er n’yannoo peccah, as t’ad er vrishey my chonaant ren mee y harey daue: son t’ad er ghoaill jeh’n eer red cursit, as t’ad myrgeddin er gheid, as neesht er cheiltyn, as eer er choyrt yn ghriu mastey yn chooid oc hene.

Joshua 7:21

Tra honnick mee mastey yn spooilley garmad aalin Babylonagh, as daa cheead shekel dy argid, as wedge airh jeh trimmid jeih shekelyn as da-eed, dy dug mee eisht saynt daue, as ghow mee ad; as cur-my-ner, t’ad follit ’syn ooir ayns mean my chabbane, as yn argid foue.

1 Samuel 12:14

My nee shiu aggle y ghoaill roish y Chiarn, as shirveish eh; as my ver shiu biallys da e choraa, as gyn girree-magh noi sarey’n Chiarn, eisht nee chammah shiu hene, as y ree ta reill harrishdiu, tannaghtyn dy hirveish y Chiarn y Jee eu:

1 Samuel 12:20

As dooyrt Samuel rish y pobble, Ny gow-jee aggle: (ta shiu er n’yannoo ooilley yn olk shoh; ny-yeih ny chyndaa-jee dy lhiattee veih geiyrt er y Chiarn, agh shirveish-jee yn Chiarn lesh ooilley nyn gree;