Joshua 22:15 - Yn Vible Casherick 1775 1819

¹⁵ As haink ad gys cloan Reuben, as gys cloan Ghad, as gys lieh-tribe Vanasseh, ayns cheer Ghilead, as loayr ad roo, gra,

Joshua 22:15 ပူးပေါင်းရင်းမြစ်များ

1 Recortyssyn 21:3

As dreggyr Joab, Dy jean y Chiarn bishaghey yn pobble keead keayrt wheesh as t’ad: agh my hiarn as ree, nagh vel ad ooilley sharvaantyn my hiarn? cre’n-fa eisht ta my hiarn shirrey’n red shoh? cre’n-fa vees eh oyr dy hayrn loght er Israel?

2 Recortyssyn 10:19

As dirree Israel magh noi thie Ghavid gys y traa t’ayn jiu.

2 Recortyssyn 25:27

Nish lurg y traa hyndaa Amaziah ersooyl veih geiyrt er y Chiarn, dirree ad magh n’oï ayns Jerusalem, as chossyn eh roish gys Lachish: agh deiyr ad er gys Lachish, as varr ad eh ayns shen.

2 Recortyssyn 26:18

As hass ad seose noi Uzziah yn ree, as dooyrt ad rish, Cha vel eh lowal dhyt’s, Uzziah, dy hebbal incense gys y Chiarn, son ta shen er currym ny saggyrtyn mec Aaron, t’er nyn gasherickey dy hebbal incense: faag yn ynnyd casherick shoh, son t’ou er gholl harrish y leigh, chamoo vees eh gys dt’onnor veih’n Chiarn Jee.

2 Recortyssyn 28:13

As dooyrt ad roo, Cha jean mie diu dy choyrt lhieu ny cappee ayns shoh: son ayns wheesh as dy vel shin hannah er ve foiljagh noi’n Chiarn, ta shiu kiarail dy yannoo nyn beccaghyn as nyn loght ny s’trimmey: son s’mooar ta nyn loght, as ta jymmoose dewil noi Israel.

Ezra 9:15

O Hiarn Yee Israel, t’ou uss cairagh, agh ta shinyn foast er scapail gyn kerraghey, myr te yn laa jiu: cur-my-ner ta shin kiongoyrt rhyt ayns nyn beccaghyn: son cha vod mayd shassoo kiongoyrt rhyt, kyndagh rish shoh.

Ezra 9:2

Son t’ad er n’ghoaill ny inneenyn oc daue hene, as da nyn mec, myr shen dy vel y sluight casherick er nyn lhiantyn gys pobble ny cheeraghyn shen; dy jarroo, ta eer ny princeyn, as ny fir-reill er n’ghoaill y raad ayns y drogh chooish shoh.

Psalmyn 78:8

Dy voddagh ad nyn dreishteil y choyrt ayns Jee: as gyn obbraghyn Yee y yarrood, agh ny annaghyn echeysyn y reayll.

Exodus 32:8

T’ad er hyndaa dy leah jeh’n raad doardee mish daue; t’ad er n’yannoo daue hene lheiy grainnit, as er chur ooashley da, as er hebbal oural huggey, as er ghra, Ad shoh ny jeeghyn ayd’s, O Israel, hug lhieu uss seose ass cheer Egypt.

Isaiah 63:10

Agh dirree ad magh n’oï, as vrasnee ad yn Spyrryd casherick echey: shen-y-fa v’eh er ny hyndaa dy ve nyn noid, as hass eh nyn ’oï.

Leviticus 26:40

My nee ad goaill-rish nyn beccaghyn, as peccaghyn nyn ayraghyn, marish ny loghtyn t’ad er n’yannoo m’oï, as myrgeddin dy vel ad er n’irree magh m’oï;

Leviticus 5:19

Te ny oural-loght: t’eh dy shickyr er yannoo peccah noi’n Chiarn.

Earrooyn 14:43

Son ta ny Amalekiteyn, as ny Canaaniteyn ayns shen reue, as nee shiu tuittym liorish y chliwe; er-yn-oyr dy vel shiu er nyn jyndaa ersooyl veih’n Chiarn; shen-y-fa cha bee’n Chiarn mêriu.

Earrooyn 32:15

Son my hyndaa-ys shiu ersooyl voishyn, faagee eh ad reesht ’syn aasagh, as nee shiuish stroie ooilley’n pobble shoh.

Earrooyn 5:6

Abbyr rish cloan Israel, Tra vees dooinney ny ben kyndagh jeh aggair erbee ta deiney cur-rish, dy yannoo peccah noi’n Chiarn, as dy bee’n persoon shen er ny gheddyn oolee;

Noo Mian 18:17

As mannagh der eh geill dauesyn, insh eh da’n agglish: agh mannagh der eh geill da’n agglish, jeeagh er myr an-chreestee as myr publican.

1 Corinthianee 1:10

Nish ta mee guee erriu, vraaraghyn, liorish ennym nyn Jiarn Yeesey Creest, dy bee shiu ooilley er yn un ockle, as nagh bee streeuaghyn ny mast’ eu; agh dy bee shiu sniemmit cooidjagh ’syn un aigney, as ’syn un smooinaght.

1 Corinthianee 5:4

Ayns ennym nyn Jiarn Yeesey Creest, tra vees shiuish er nyn jaglym cooidjagh, as y spyrryd aym’s, lesh pooar nyn Jiarn Yeesey Creest,

Deuteronomy 30:17

Agh my nee dty chree chyndaa ersooyl, myr shen nagh n’eaisht oo, agh dy bee oo cleaynit dy choyrt ooashley da jeeghyn elley, as dy hirveish ad:

Deuteronomy 7:4

Son cleaynee ad dty vac voym’s, dy hirveish jeeghyn joarree: myr shoh vees corree yn Chiarn er ny oaddey nyn ’oï, as stroie eh shiu doaltattym.

Hebrewnee 12:25

Jeeagh-jee nagh der shiu cooyl rishyn ta loayrt: son mannagh ren adsyn scapail hug cooyl rishyn ren loayrt er y thalloo, foddey smoo cha jig eh lhienyn, my hyndaa-ys mayd ersooyl voishyn ta loayrt veih niau:

Joshua 22:12

As tra cheayll cloan Israel shoh, ren slane sheshaght cloan Israel chaglym cooidjagh ec Shiloh, dy gholl dy chaggey nyn ’oï.

Joshua 22:14

As mârishyn jeih princeyn, prince veih dagh tribe trooid ooilley Israel; as va dagh dooinney jeu kione thie e ayrey mastey thousaneyn Israel.

Joshua 22:16

Myr shoh ta slane pobble y Chiarn gra, Cre’n drogh obbyr shoh ta shiu er n’yannoo noi’n Jee dy Israel, dy hyndaa ersooyl veih shirveish y Chiarn ec y traa shoh, ayns dy vel shiu er hroggal altar diu hene, myr shoh nish girree magh noi’n Chiarn?

Joshua 22:18

Agh dy negin diu chyndaa ersooyl yn laa jiu veih geiyrt da’n Chiarn? as shoh myr vees eh, fakin dy vel shiuish er n’irree magh jiu noi’n Chiarn, dy bee e yymmoose er ny vrasnaghey mairagh noi slane pobble Israel.

1 Samuel 15:23

Son ta mee-viallys myr y peccah dy obbeeys, as roonid myr yn ard-pheccah dy yalloonys. Er-yn-oyr dy vel uss er choyrt cooyl rish goo’n Chiarn, t’eshyn myrgeddin er choyrt cooyl rhyt’s, nagh bee dty reeriaght beayn.