Joshua 22:11 - Yn Vible Casherick 1775 1819

¹¹ As cheayll cloan Israel imraa, Cur-my-ner, ta cloan Reuben, as cloan Ghad, as lieh-tribe Vanasseh, er hroggal altar jeeragh er thalloo Chanaan, ayns ardjyn Yordan, raad hie cloan Israel harrish.

Joshua 22:11 ပူးပေါင်းရင်းမြစ်များ

Noo Ean 1:28

Va ny reddyn shoh jeant ayns Bethabara er cheu elley jeh Jordan, raad va Ean bashtey.

Noo Ean 20:1

Er y chied laa jeh’n chiaghtin, haink Moirrey Malaine dy moghey, tra ve foast dorraghey, gys yn oaie, as honnick ee yn chlagh goit ersooyl jeh’n oaie.

Noo Ean 20:12

As honnick ee daa ainle nyn soie ayns coamraghyn sollys, yn derrey yeh ec y chione, as y jeh elley ec ny cassyn raad va corp Yeesey ny lhie.

Deuteronomy 12:11

Shen y raad vees ynnyd nee yn Chiarn nyn Yee y reih, dy choyrt e ennym ayn, gys shen ver shiu lhieu ooilley ny ta mee dy harey diu, ny ourallyn-losht eu, ny chebballyn, ny jagheenyn, as oural-troggit-seose nyn laue, as y reih jeh dy chooilley vreearrey-arryltagh, ta shiu dy yannoo gys y Chiarn.

Joshua 2:7

As hie ny deiney er nyn eiyrt’s yn raad gys Jordan, choud’s ny aaghyn: as cha leah as va ny eiyrtyssee er n’gholl magh, yeigh ad y giat.

Joshua 22:10

As tra haink ad gys oirr Yordan, t’ayns cheer Chanaan, ren cloan Reuben, as cloan Ghad, as lieh-tribe Vanasseh, altar mooar y hroggal ayns shen liorish Jordan, altar feer ard as cronnal.

Joshua 22:16

Myr shoh ta slane pobble y Chiarn gra, Cre’n drogh obbyr shoh ta shiu er n’yannoo noi’n Jee dy Israel, dy hyndaa ersooyl veih shirveish y Chiarn ec y traa shoh, ayns dy vel shiu er hroggal altar diu hene, myr shoh nish girree magh noi’n Chiarn?

Joshua 22:19

Agh my ta shiu goaill cheer nyn eiraght dy ve neu-chasherick, tar-jee harrish reesht gys thalloo-eiraght y Chiarn, raad ta cabbane-agglish y Chiarn, as jean-jee cummal mârin: agh ny irree-jee magh noi’n Chiarn, ny noi shinyn, liorish troggal altar elley diu hene, marish altar yn Chiarn y Jee ain.

Briwnyn 12:5

As ghow ny Gileaditeyn aaghyn Yordan roish ny Ephraimiteyn: as ve myr shen, tra dooyrt ny Ephraimiteyn ren scapail, Lhig dou goll harrish, dy dooyrt deiney Ghilead rish, Nee Ephraimite oo? My yarragh eh, Cha nee;