Joshua 21:8 - Yn Vible Casherick 1775 1819

⁸ As hug cloan Israel liorish lot da ny Leviteyn ny ard-valjyn shoh marish ny gleebyn mygeayrt-y-moo, myr va’n Chiarn er harey liorish Moses.

Joshua 21:8 ပူးပေါင်းရင်းမြစ်များ

Genesis 49:5

Ta Simeon as Levi braaraghyn [ayns drogh-yannoo] ta ny greinyn-caggee dy ghewlys ayns ny ynnydyn-vaghee oc.

Genesis 49:7

Dy row mollaght er y farg oc, son ve eulyssagh; as y jymmoose oc, son ve dewil: neem’s ad y scarrey ayns Jacob, as ad y skeayley ayns Israel.

Raaghyn Creeney 16:33

Ta ny lottyn ceaut ayns yn ught: agh ta’n slane reill oc veih’n Chiarn.

Raaghyn Creeney 18:18

Ta lottyn coyrt streeughyn gy-kione, as reaghey boiraghyn eddyr deiney niartal.

Earrooyn 32:2

Haink cloan Ghad, as cloan Reuben, as loayr ad rish Moses, as rish Eleazar y saggyrt, as rish leeideilee’n cheshaght, gra,

Earrooyn 33:54

As nee shiu yn cheer y rheynn liorish lot, son eiraght mastey ny kynneeyn eu, as da mooarane ver shiu ny smoo dy eiraght, as da’n veggan, ver shiu ny sloo: bee eiraght dagh dooinney raad ta e chronney tuittym: cordail rish tribeyn nyn ayraghyn, vees nyn eiraght.

Earrooyn 35:3

As ny ard-valjyn vees oc dy vaghey ayndoo, as bee ny gleebyn son yn ollagh, son y chooid, as son ooilley’n maase oc.

Joshua 18:6

Nee shiu er-y-fa shen soiaghey magh y cheer ayns shiaght ayrnyn, as ver shiu roym’s yn rheynn ta shiu er n’yannoo, dy voddym lottyn y hilgey er nyn son ayns shoh kiongoyrt rish y Chiarn nyn Yee.

Joshua 21:3

As hug cloan Israel da ny Leviteyn ass nyn eiraght hene, ec sarey’n Chiarn, ny ard-valjyn shoh lesh nyn ghleebyn.

Joshua 21:7

Va ec cloan Merari lurg nyn gynneeyn, veih tribe Reuben, as veih tribe Ghad, as veih tribe Zebulun, daa ard-valley jeig.

Joshua 21:9

As hug ad ass tribe cloan Yudah, as veih tribe cloan Simeon, ny ard-valjyn shoh myr t’ad ayns shoh enmyssit: