Joshua 21:45 - Yn Vible Casherick 1775 1819

⁴⁵ Cha ren nhee erbee failleil jeh ooilley ny reddyn mie shen va’n Chiarn er yialdyn da thie Israel; ve dy slane cooilleenit.

Joshua 21:45 ပူးပေါင်းရင်းမြစ်များ

1 Reeaghyn 8:15

As dooyrt eh, Bannit dy row’n Chiarn Jee Israel, loayr lesh e veeal rish David my ayr, as ta lesh e laue er chooilleeney eh, gra,

1 Reeaghyn 8:20

As ta’n Chiarn er chooilleeney e ghoo ren e loayrt; as ta mish er n’irree seose ayns ynnyd Ghavid my ayr, as soie er stoyl-reeoil Israel, myr yiall y Chiarn, as er hroggal thie son ennym yn Chiarn Jee Israel.

1 Reeaghyn 8:24

Ta er n’yannoo mie da dty harvaant David my ayr shen ny yiall oo da: t’ou er loayrt neesht lesh dty veeal, as er chooilleeney eh lesh dty laue, myr te yn laa t’ayn jiu.

1 Reeaghyn 8:56

Bannit dy row’n Chiarn, t’er chur fea da e phobble Israel, cordail rish ooilley e yialdinys: cha vel fockle hene er vailleil jeh ooilley e yialdinys, ren eh gialdyn liorish e harvaant Moses.

Nehemiah 9:8

As hooar oo e chree ynrick kiongoyrt rhyt, as ren oo conaant rish, dy choyrt da e luight cheer ny Canaaniteyn, ny Hittiteyn, ny Amoriteyn, as ny Perizziteyn, as ny Jebusiteyn, as ny Girgashiteyn, as t’ou er chooilleeney dty ghoan, son t’ou ynrick:

Isaiah 48:3

Dockle mee magh ro-laue ny reddyn va jeant veih’n toshiaght; as hie ad magh ass my veeal, as hoilshee mee ad; chooilleen mee ad dy leah, as haink ad gy-kione.

Earrooyn 23:19

Cha vel Jee myr dooinney, dy yannoo foalsaght, chamoo myr mac dooinney, dy chaghlaa e aigney: vel eh er ghra, as nagh jean eh cooilleeney? ny vel eh er loayrt, as nagh jean eh mie jeh?

1 Corinthianee 1:9

Ta Jee firrinagh, liorish va shiu er nyn eam gys sheshaght e Vac Yeesey Creest nyn Jiarn.

1 Thessalonianee 5:24

Firrinagh t’eshyn ta geamagh erriu, nee myrgeddin shen y chooilleeney.

Titus 1:2

Ayns treishteil jeh’n vea veayn, ren Jee nagh vod breg y insh, gialdyn roish my row’n seihll er ny chroo;

Hebrewnee 6:18

Liorish daa red gyn caghlaa, ayndoo ve neu-phossible da Jee dy volley, dy voddagh gerjagh niartal ’ve ainyn, ta er roie son kymmyrk dy ghoaill greme er y treishteil soit kiongoyrt rooin:

1 Samuel 3:19

As daase Samuel, as va’n Chiarn mârish, as cha lhig eh da veg jeh e ghoan dy huittym gys y thalloo.