Joshua 21:44 - Yn Vible Casherick 1775 1819

⁴⁴ As hug y Chiarn daue shee er dy chooilley heu, cordail rish bree yn loo ren eh da ny ayraghyn oc: as cha hass dooinney jeh ooilley nyn noidyn kiongoyrt roo; livrey’n Chiarn ooilley nyn noidyn gys nyn laue.

Joshua 21:44 ပူးပေါင်းရင်းမြစ်များ

2 Recortyssyn 13:16

As roie cloan Israel er-chea roish Judah: as ren Jee y livrey ad gys nyn laue.

Exodus 23:31

As neem’s soiaghey dty chagleeyn veih’n Faarkey Jiarg eer gys faarkey ny Philistinee, as veih faasagh [Arabia] gys awin [Euphrates;] son neem’s cummaltee yn cheer y livrey gys nyn laue, as nee’m ad y imman magh royd.

Exodus 33:14

As dooyrt eshyn, Bee my enish mayrt, as ver-ym dhyt fea.

Isaiah 63:14

Myr ta baagh goll sheese gys y choan, hug Spyrryd y Chiarn fea da; myr shen ren uss dty phobble y leeideil, dy yannoo dhyt hene ennym gloyroil.

Deuteronomy 2:36

Veih Aroer, ta rish oirr awin Arnon, as veih’n ard-valley ta rish yn awin, eer gys Gilead, cha row ard-valley hene ro lajer er nyn son: ren y Chiarn nyn Yee ooilley y livrey dooin.

Deuteronomy 21:10

Tra t’ou goll magh dy chaggey noi dty noidyn, as ta’n Chiarn dty Yee er livrey ad gys dty laue, as t’ou er ghoaill ad nyn gappee.

Hebrewnee 4:9

Ta laa dy ea er-y-fa shen cour pobble Yee.

Joshua 1:13

Cooinee-jee er ny goan ren Moses sharvaant y Chiarn coyrt ayns currym diu, gra, Ta’n Chiarn y Jee eu er choyrt diuish fea, as er choyrt diu yn thalloo shoh.

Joshua 1:15

Derrey vees y Chiarn er choyrt fea da nyn mraaraghyn, myr t’eh er choyrt diuish, as derrey t’adsyn myrgeddin er ghoaill possession jeh’n cheer ta’n Chiarn yn Jee eu dy choyrt daue: eisht nee shiuish chyndaa gys cheer yn eiraght eu hene, as soylley ’ghoaill jeh, ren Moses, sharvaant y Chiarn, coyrt diu er y cheu shoh dy Yordan, lesh irree ny greïney.

Joshua 1:5

Cha bee dooinney erbee abyl dy hassoo royd ooilley laghyn dty vea: myr va mee marish Moses, shen myr bee’m mayrt’s: cha jean-ym failleil, ny treigeil oo.

Joshua 11:12

As ooilley ard-valjyn ny reeaghyn shen, as ooilley ny reeaghyn oc, ren Joshua ’ghoaill, as woaill eh ad lesh foyr y chliwe; as stroie eh ad dy bollagh, myr va Moses sharvaant y Chiarn er harey.

Joshua 11:23

Myr shoh ghow Joshua yn slane cheer, cordail rish ooilley ny va’n Chiarn er ghra rish Moses; as hug Joshua eh son eiraght da Israel, cordail rish y rheynn va jeant fud ny tribeyn oc. As [ny lurg shoh] va shee ’sy cheer.

Joshua 11:8

As ren y Chiarn ad y livrey gys laue Israel, ren ad y woalley, as nyn glo gys Zidon mooar, as gys Misrephoth-maim, as gys glione Vispeh cheu-har, as ren eh ad y stroie, derrey nagh row fer jeu faagit.

Joshua 2:24

As dooyrt ad rish Joshua, Dy feer ta’n Chiarn er livrey ooilley yn cheer gys ny laueyn ain; son ta eer ooilley cummaltee ny cheerey coayl nyn gree ayns aggle roïn.

Joshua 22:4

As nish ta’n Chiarn nyn Yee er choyrt fea da nyn mraaraghyn, myr yiall eh daue: shen-y-fa nish, chyndaa-jee as immee-jee gys nyn gummallyn hene, as gys cheer nyn eiraght, hug Moses sharvaant y Chiarn diu er y cheu elley dy Yordan.

Joshua 22:9

As hyndaa cloan Reuben, as cloan Ghad, as lieh-tribe Vanasseh, as daag ad cloan Israel ec Shiloh t’ayns cheer Chanaan, dy gholl gys cheer Ghilead, thalloo nyn eiraght, haink er yn ayrn oc, cordail rish goo’n Chiarn liorish Moses.

Joshua 23:1

As haink eh gy-kione lurg foddey dy hraa, as dy row’n Chiarn er choyrt fea dy Israel veih ooilley nyn noidyn er dy chooilley heu, dy row Joshua er n’aase shenn as er roie dy mooar ayns eash.