Joshua 21:43 - Yn Vible Casherick 1775 1819

⁴³ As hug y Chiarn da Israel ooilley’n thalloo vreear eh dy choyrt da ny ayraghyn oc: as ve oc son eiraght, as chum ad ayn.

Joshua 21:43 ပူးပေါင်းရင်းမြစ်များ

Genesis 12:7

As ren y Chiarn eh hene y hoilshaghey da Abram, as dooyrt eh, Da dty luight’s ver-yms yn cheer shoh: as ayns shen hrog eh altar da’n Chiarn, ren eh hene y hoilshaghey da.

Genesis 13:15

Son ooilley yn cheer t’ou dy akin, dhyt’s ver-ym eh, as da dty luight son dy bragh.

Genesis 28:4

As dy der eh dhyt bannaght Abraham, dhyt hene, as da dty luight mayrt; dy vod oo yn cheer, raad t’ou dty yoarree, y gheddyn son eiraght, hug Jee da Abraham.

2 Recortyssyn 20:8

As t’ad er chummal ayn, as er hroggal dhyt’s ynnyd casherick son dt’ennym’s, gra,

Nehemiah 9:24

Myr shen hie’n chloan oc stiagh, as ghow ad possession jeh’n cheer, as hug oo fo-chosh cummaltee cheer ny Canaaniteyn, as livrey oo ad gys ny laueyn oc, marish nyn reeaghyn, as pobble y cheer, dy yannoo roo myr bailloo.

Nehemiah 9:8

As hooar oo e chree ynrick kiongoyrt rhyt, as ren oo conaant rish, dy choyrt da e luight cheer ny Canaaniteyn, ny Hittiteyn, ny Amoriteyn, as ny Perizziteyn, as ny Jebusiteyn, as ny Girgashiteyn, as t’ou er chooilleeney dty ghoan, son t’ou ynrick:

Psalmyn 105:8

T’eh er ny ve kinjagh cooinaghtagh jeh e chonaant as e yialdinyn: ren eh da thousane dy heelogheyn;

Psalmyn 44:3

Son cha dooar ad y cheer ayns nyn gummal liorish y chliwe oc hene: chamoo she’n roih oc hene ren cooney lhieu.

Psalmyn 78:55

As hug eh lesh ad cheu-sthie jeh cagliaghyn e ynnyd casherick: dy jarroo gys y chronk t’eshyn er chosney lesh e laue yesh.

Exodus 3:8

As ta mee er jeet neose, dy livrey ad ass laue ny Egyptianee, as dy chur lhiam ad seose veih’n cheer shen, gys cheer mie, as mooar, gys cheer ayn ta palchey bainney as mill: gys ynnyd ny Canaaniteyn, as ny Hittiteyn, as ny Amoriteyn, as ny Perizziteyn, as ny Hiviteyn, as ny Jebusiteyn.

Jeremiah 32:23

As haink ad stiagh ayn, as ve oc ayns nyn gummal; agh cha dug ad biallys da dty choraa, chamoo jimmee ad ayns dty leigh; cha vel ad er n’yannoo veg jeh ooilley ny t’ou er harey daue dy yannoo; shen-y-fa t’ou er choyrt orroo ooilley’n kerraghey trome shoh.

Earrooyn 33:53

As nee shiu yn cheer y reaghey jeh e chummaltee, as baghey ayn: son ta mish er choyrt diu yn cheer son eiraght.

Earrooyn 34:2

Cur sarey da cloan Israel, as abbyr roo, Tra hig shiu gys cheer Chanaan (shoh’n cheer nee tuittym hiu son eiraght, ta shen, cheer Chanaan marish e ardjyn):

Deuteronomy 11:31

Son hed shiu harrish Jordan dy ghoaill possession jeh’n cheer, ta’n Chiarn y Jee euish dy choyrt diu, as bee eh son eiraght diu, as nee shiu cummal ayn.

Deuteronomy 12:29

Tra nee yn Chiarn dty Yee giarey jeh ny ashoonyn t’ou dy ghoaill ayns possession, as tra vees eiraght as cummal ayd ’sy cheer oc:

Deuteronomy 17:14

Tra vees oo er jeet gys y cheer ta’n Chiarn dty Yee dy choyrt dhyt, as tra vees oo ayns possession jeh, as cummal ayn, as oo dy ghra, Soie-ym seose ree harrym, myr t’ec ooilley ny ashoonyn ta mygeayrt-y-moom:

Deuteronomy 34:4

As dooyrt y Chiarn rish, Shoh’n cheer vreear mee da Abraham, da Isaac, as da Jacob, gra, Ver-yms eh da dty luight: ta mee er choyrt shilley dhyt jeh, agh cha jed oo harrish huggey.

Joshua 1:6

Bee dunnal as jeh cree mie; son da’n pobble shoh nee oo rheynn son eiraght yn cheer, loo mee da nyn ayraghyn dy choyrt daue.

Joshua 21:42

Va ooilley ny ard-valjyn shoh, as nyn ghleebyn mygeayrt-y-moo: shoh myr v’ad ooilley.

Briwnyn 11:24

Nagh jean uss freayll possession jeh shen ny ta Chemosh dty yee dy choyrt dhyt? Er yn aght cheddin quoi-erbee nee’n Chiarn y Jee ain geiyrt magh roïnyn, ad shen nee mayd y ghoaill dooin hene.

1 Samuel 12:8

Tra va Jacob er jeet gys Egypt, as nyn ayraghyn er n’eamagh gys y Chiarn, eisht hug y Chiarn Moses as Aaron, hug lhieu magh nyn ayraghyn ass Egypt, as hug eh cummal daue ’sy cheer shoh.