Joshua 20:9 - Yn Vible Casherick 1775 1819

⁹ Ad shoh ny ard-valjyn va soit magh son ooilley cloan Israel, as son y joarree ta goaill ny mast’ oc, dy vod eshyn ta marroo persoon erbee trooid taghyrt cosney gys shen, as nagh vow eh baase liorish laue yn cooilleeneyder-folley, derrey v’eh er hassoo fenish y pobble ayns briwnys.

Joshua 20:9 ပူးပေါင်းရင်းမြစ်များ

Earrooyn 35:13

As jeh ny ard-valjyn shoh ver shiu daue, bee shey jeu son sauchys.

Earrooyn 35:15

Bee ny shey ard-valjyn shoh son sauchys, chammah da cloan Israel, as da’n joarree, as son y troailtagh ta cummal ny mast’ oc: dy vod dagh unnane, ta marroo persoon erbee ayns marranys, chea gys shen.

Joshua 20:4

As tra nee eshyn ta roie er-chea gys unnane jeh ny ard-valjyn shen, shassoo ec giat yn ard-valley, as soilshaghey e chooish ayns clashtyn chanstyr yn ard-valley shen, gowee ad stiagh eh gys yn ard-valley, as ver ad fastee da ny mast’ oc.

Joshua 20:6

As nee eh cummal ’syn ard-valley cheddin, derrey hig eh fenish y pobble ayns briwnys, as derrey baase yn ard-saggyrt vees ’sy traa shen: eisht nee’n marrooder chyndaa gys e ard-valley hene, as gys e hie hene, gys yn ard-valley shen veih ren eh chea.

Joshua 20:8

As er y cheu elley dy Yordan liorish Jericho lesh y shiar, hug ad er-lheh Bezer ayns yn aasagh er y strah ass tribe Reuben, as Ramoth ayns Gilead ass tribe Ghad, as Golan ayns Bashan ass tribe Vanasseh.