Joshua 20:3 - Yn Vible Casherick 1775 1819

³ Dy vod eshyn ta marroo persoon erbee trooid taghyrt, as cha nee jeh e yoïn, cosney huc: as bee ad son sauchys diu veih’n cooilleeneyder-folley.

Joshua 20:3 ပူးပေါင်းရင်းမြစ်များ

2 Samuel 14:11

Eisht dooyrt ish, Ta mee guee ort, lhig da’n ree cooinaghtyn er y Chiarn dty Yee, nagh surr oo ny cooilleeneyderyn-folley dy gholl er nyn doshiaght, nagh stroie ad my vac. As dooyrt eh, Myr ta’n Chiarn bio, cha duitt un renaig jeh kione dty vac gys y thalloo.

Leviticus 4:2

Loayr rish cloan Israel, gra, My nee persoon erbee peccah trooid mee-hushtey noi veg jeh annaghyn y Chiarn (ayns reddyn nagh lhisagh ve jeant) as dy jean eh noi veg jeu:

Earrooyn 35:12

As bee ad diu ard-valjyn son sauchys veih’n cooilleeneyder-folley; nagh bee’n marrooder er ny choyrt dy baase, derrey nee eh shassoo fenish y cheshaght ayns briwnys.

Earrooyn 35:19

Nee’n cooilleeneyder-folley hene cur y dunver dy baase: tra hig eh ny raad, ver eh dy baase eh.

Earrooyn 35:22

Agh my t’eh er roie er doaltattym, fegooish noidys, ny er cheau red erbee er, fegooish lhie cooyl-chlea;

Hebrewnee 6:18

Liorish daa red gyn caghlaa, ayndoo ve neu-phossible da Jee dy volley, dy voddagh gerjagh niartal ’ve ainyn, ta er roie son kymmyrk dy ghoaill greme er y treishteil soit kiongoyrt rooin:

Joshua 20:2

Abbyr rish cloan Israel, gra, Soie-jee er-lheh er nyn son hene ard-valjyn son sauchys, my-nyn-gione loayr mee riu liorish Moses:

Joshua 20:4

As tra nee eshyn ta roie er-chea gys unnane jeh ny ard-valjyn shen, shassoo ec giat yn ard-valley, as soilshaghey e chooish ayns clashtyn chanstyr yn ard-valley shen, gowee ad stiagh eh gys yn ard-valley, as ver ad fastee da ny mast’ oc.