Joshua 2:6 - Yn Vible Casherick 1775 1819

⁶ Agh va ish er choyrt lh’ee ad seose gys mullagh y thie, as er vollaghey ad lesh gish dy lieen, v’ee er chiartaghey er mullagh y thie.

Joshua 2:6 ပူးပေါင်းရင်းမြစ်များ

2 Samuel 11:2

As haink eh gy-kione er fastyr dy row, dy dirree David veih e lhiabbee, as huill eh er mullagh thie’n ree: as veih’n vullagh honnick eh ben faarkey ee-hene; as va’n ven feer aalin dy yeeaghyn urree.

2 Samuel 17:19

As ghow’n ven coodaghey, as skeayl ee eh harrish beeal y chibbyr, as skeayl ee arroo beihlt er; as cha row tastey goit jeh.

1 Reeaghyn 18:13

Nagh row eh er ny insh da my hiarn cre ren mee tra stroie Jezebel phadeyryn y Chiarn, kys dollee mee keead dooinney jeh phadeyryn y Chiarn, jeih as da-eed ayns ooig, as ren mee ad y veaghey lesh arran as ushtey?

1 Reeaghyn 18:4

Son shen myr ve, tra ren Jezebel stroie phadeyryn y Chiarn, dy ghow Obadiah keead phadeyr, as dollee eh ad jeih as da-eed ayns ooig, as ren eh ad y veaghey lesh arran as ushtey.)

2 Reeaghyn 11:2

As ghow Jehosheba, inneen ree Joram, shuyr Ahaziah, Joash mac Ahaziah, as gheid ee eh veih mastey mec y ree v’er ny choyrt gy-baase; as dollee ad eh as e voandyr ayns shamyr veih Athaliah, myr shen nagh row eh er ny stroie.

Exodus 2:2

As ren y ven gientyn, as hug ee mac son y theihll: as tra honnick ee dy row eh ny lhiannoo aalin, ren ee keiltyn eh three meeaghyn.

Jeremiah 36:26

Agh doardee yn ree da Jerahmeel mac Hammelech, as Seraiah mac Azriel, as Shelemiah mac Abdeel, dy ghoaill yn scrudeyr Baruch, as Jeremiah yn phadeyr: agh ren y Chiarn ad y cheiltyn.

Noo Mian 24:17

Eshyn t’er mullagh y thie, ny lhig da cheet neose dy ghoaill mârish nhee erbee ass e hie:

Deuteronomy 22:8

Tra t’ou troggal thie noa, eisht nee oo voalley rish oirr mooie y chione, nagh dayrn oo fuill er dty hie, my nee dooinney erbee tuittym jeh.

Colossianee 3:3

Son ta shiu marroo, as ta’n vea eu follit marish Creest ayns Jee.

Hebrewnee 11:23

Liorish credjue va Moses tra ruggyr eh, keillit three meeghyn liorish e ayr as e voir, er-yn-oyr dy vaik ad dy row eh ny lhiannoo aalin; as cha row aggle orroo roish sarey’n ree.

Jamys 2:25

Myrgeddin neesht, nagh row Rahab yn ven-oast er ny heyrey liorish obbraghyn, tra v’ee er n’ghoaill stiagh ny chaghteryn, as er choyrt magh ad raad elley?

Joshua 2:5

As haink eh gy-kione, mysh traa dooney ny giattey, ’sy chomleayrtys, dy jagh ny deiney magh: cre’n raad hie ny deiney cha vel fys aym: eiyr-jee orroo dy tappee; son berree shiu orroo.

Joshua 2:7

As hie ny deiney er nyn eiyrt’s yn raad gys Jordan, choud’s ny aaghyn: as cha leah as va ny eiyrtyssee er n’gholl magh, yeigh ad y giat.

Joshua 2:8

As roish my row ad er lhie sheese, haink ee seose huc gys mullagh y thie;

Joshua 6:25

As ren Joshua sauail bioys Rahab yn ven-oast, as lught-thie e ayrey, as ooilley ny v’eck; (as t’ee cummal ayns Israel, gys y laa t’ayn jiu;) er-yn-oyr dy ren ee keiltyn ny chaghteryn hug Joshua magh dy ghoaill baght jeh Jericho.