Joshua 2:4 - Yn Vible Casherick 1775 1819

⁴ As ghow’n ven yn daa ghooinney, as ren ee follaghey ad, as dooyrt ec, Haink deiney gys my hie, agh cha row fys aym cre veih v’ad.

Joshua 2:4 ပူးပေါင်းရင်းမြစ်များ

2 Reeaghyn 6:19

As dooyrt Elisha roo, Cha nee shoh’n raad, chamoo she shoh’n ard-valley; eiyr-jee orrym’s, as ver-ym lhiam shiu gys y dooinney ta shiu dy hirrey. Agh leeid eh ad gys Samaria.

Exodus 1:19

As dooyrt ny mraane-reaylt rish Pharaoh, Er-yn-oyr nagh vel mraane ny Hebrewnee goll-rish mraane ny Egyptianee: son t’ad bioyr, as t’ad livreit roish my ta ny mraane-reaylt roshtyn.

Jamys 2:25

Myrgeddin neesht, nagh row Rahab yn ven-oast er ny heyrey liorish obbraghyn, tra v’ee er n’ghoaill stiagh ny chaghteryn, as er choyrt magh ad raad elley?

Joshua 2:3

As hug ree Yericho fys gys Rahab, gra, Cur lhiat magh ny deiney t’er jeet hood’s, as ta nish ayns dty hie: son er-chee dy scrial magh ooilley yn cheer t’ad er jeet.

Joshua 2:5

As haink eh gy-kione, mysh traa dooney ny giattey, ’sy chomleayrtys, dy jagh ny deiney magh: cre’n raad hie ny deiney cha vel fys aym: eiyr-jee orroo dy tappee; son berree shiu orroo.

Joshua 6:17

As bee’n ard-valley hene, as ooilley ny t’ayn, fo mollaght gys y Chiarn: bioys Rahab yn ven-treoghe ny-lomarcan nee shiu y hauail, ish, as ooilley ny ta mâree ’sy thie; er-yn-oyr dy ren ee keiltyn ny chaghteryn ren shin y choyrt.

Joshua 6:25

As ren Joshua sauail bioys Rahab yn ven-oast, as lught-thie e ayrey, as ooilley ny v’eck; (as t’ee cummal ayns Israel, gys y laa t’ayn jiu;) er-yn-oyr dy ren ee keiltyn ny chaghteryn hug Joshua magh dy ghoaill baght jeh Jericho.