Joshua 2:3 - Yn Vible Casherick 1775 1819

³ As hug ree Yericho fys gys Rahab, gra, Cur lhiat magh ny deiney t’er jeet hood’s, as ta nish ayns dty hie: son er-chee dy scrial magh ooilley yn cheer t’ad er jeet.

Joshua 2:3 ပူးပေါင်းရင်းမြစ်များ

Genesis 38:24

As haink eh gy-kione, mysh three meeaghyn lurg shen, dy row eh inshit da Judah, gra, Ta Tamar dty ven-chleuin er n’yannoo maarderys, as myrgeddin, cur-my-ner, t’ee torragh, liorish maarderys: As dooyrt Judah, Cur-jee lhieu magh ee, as lhig jee ve losht.

Genesis 42:31

As dooyrt shin rish, She deiney ynrick shin, cha nee peeikearyn shin edyr.

2 Samuel 10:3

As dooyrt princeyn cloan Ammon rish Hanun nyn jiarn, Vel uss smooinaghtyn dy nee er graih dt’ayrey ta David er choyrt fir-gherjee hood’s? nagh nee son shoh t’eh er choyrt e harvaantyn hood, dy ghoaill baght jeh’n ard-valley, as dy scrial magh eh, er-chee dy stroie eh?

2 Samuel 17:20

As tra haink sharvaantyn Absalom gys y thie, dooyrt ad rish y ven, Cre vel Ahimaaz as Jonathan? As dooyrt y ven roo, T’ad er n’gholl harrish y trooan. As tra v’ad er vriaght, as nagh dooar ad skeeal jeu, hyndaa ad gys Jerusalem.

1 Recortyssyn 19:3

Agh dooyrt princeyn cloan Ammon rish Hanun, Vel uss smooinaghtyn dy vel David kiarail onnor da dty ayr ayns coyrt fir-gherjee hood? nagh nee son dy ronsaghey, ry-hoi stroie, as dy scrial magh y cheer ta e haghteryn er jeet?

Lioar Yob 21:30

Dy vel ny mee-chrauee er ny reayll gys laa ny briwnys? bee ad er ny chur lhieu magh ayns laa’n jymmoose.

Leviticus 24:14

Cur lhiat magh eshyn ren gwee mollaght cheu-mooie jeh’n champ: as lhig dauesyn ooilley, ren clashtyn eh, cur nyn laueyn er e chione, as lhig da ooilley’n cheshaght eshyn y chlaghey.

Noo Ean 19:4

Haink Pilate er-y-fa shen magh reesht, as dooyrt eh roo, Cur-my-ner, ta mish dy choyrt lhiam magh hiu eh, dy vod fys y ve eu nagh vel mish er gheddyn foill erbee ayn.

Jannoo 12:4

As tra v’eh er ghoaill eh, hug eh eh ayns pryssoon, as livrey eh eh fo currym kiare fileyn dy hidooryn dy reayll eh, kiarail lurg y Chaisht dy chur lesh eh magh gys y pobble.

Jannoo 12:6

As tra baillish Herod v’er choyrt lesh magh eh, yn oie cheddin va Peddyr ny chadley eddyr daa hidoor kianlt lesh daa gheuley; as dreill y watch ec y dorrys arrey er y phryssoon.

Joshua 10:23

As ren ad shen, as hug ad lhieu magh huggey ny queig reeaghyn shen ass yn ooig, ree Yerusalem, ree Hebron, ree Yarmuth, ree Lachish, as ree Eglon.

Joshua 2:2

As ve er ny insh da ree Yericho, gra, Cur-my-ner, ta deiney er jeet stiagh ayns shoh noght jeh cloan Israel, dy scrial magh y cheer.

Joshua 2:4

As ghow’n ven yn daa ghooinney, as ren ee follaghey ad, as dooyrt ec, Haink deiney gys my hie, agh cha row fys aym cre veih v’ad.

Briwnyn 4:20

Eisht dooyrt eh r’ee, Shass ayns dorrys y chabbane; as my hig dooinney erbee dy vriaght jeed, Vel dooinney erbee ayns shoh? dy jir uss, Cha vel.