Joshua 2:18 - Yn Vible Casherick 1775 1819

¹⁸ Jeeagh, tra hig mayd gys y cheer, nee oo yn skeog shoh dy naie scarleod y chiangley ’syn uinniag ny hrooid ren oo shin y lhiggey sheese; as ver oo lhiat dty ayr, as dty voir, as dty vraaraghyn, as ooilley lught-thie dty ayrey, gys dty hie hene.

Joshua 2:18 ပူးပေါင်းရင်းမြစ်များ

Genesis 12:2

As jeed’s neem’s ashoon mooar, as nee’m oo y vannaghey, as nee’m dty ennym ooasle, as bee oo son bannaght.

Genesis 7:1

As dooyrt y Chiarn rish Noah, Tar uss as ooilley dty lught-thie stiagh ’syn arg; son uss ta mee er vakin ynrick kiongoyrt rhym ayns y cheeloghe shoh.

Esther 8:6

Son kys oddym’s surranse dy akin lheid y chragh dy heet er my phobble? ny kys oddym’s gymmyrkey toyrt-mow my chynney.

Exodus 12:13

As bee’n uill diuish son cowrey er ny thieyn raad ta shiu: as tra hee-yms yn uill, hem shaghey, as cha bee’n chramp erriuish dy stroie shiu, tra nee’m bwoalley cheer Egypt.

Arrane Solomon 4:3

Ta dty veillyn goll-rish snaie scarleod, as s’meeley ta dty ghlare; ta dty cheeillyn myr blaa yn phomegranate fo dty vreidyn.

Leviticus 14:4

Eisht nee’n saggyrt goardaghey dy ghoaill er y hon-syn ta dy v’er ny ghlenney, daa eean bio as glen, as fuygh-cedar, as scarleod, as hyssop.

Earrooyn 19:6

As nee’n saggyrt goaill fuygh-cedar, as hyssop, as (ollan) scarleod, as ceau ad ayns mean yn aile raad va’n cholbagh losht.

Earrooyn 4:8

As skeaylee ad orroo eaddagh dy scarleod, as cur harrish shen coodagh dy chraitnyn broc, as ver ad ayn ny looghyn echey

Noo Luke 19:9

As dooyrt Yeesey rish, Jiu ta saualtys er jeet gys y thie shoh, ayns wheesh as dy vel eshyn myrgeddin ny vac da Abraham.

Jannoo 10:27

As myr v’eh loayrt rish, hie eh stiagh, as hooar eh ymmodee er nyn jaglym cooidjagh.

Jannoo 10:33

Chelleeragh er-y-fa shen hug mee fys ort: as t’ou er n’yannoo dy mie dy vel oo er jeet. Nish er-y-fa shen ta shin ooilley ayns shoh kionfenish, kiongoyrt rish Jee, dy chlashtyn dy chooilley nhee ta Jee er n’oardaghey dhyt.

Jannoo 11:14

Eh nee goan y hoilshaghey dhyt, lioroo bee oo hene as ooilley dty hie er nyn sauail.

2 Timothy 1:16

Dy der y Chiarn myghin da lught-thie Onesiphorus; son ren eh dy mennick m’y ooraghey, as cha row nearey er jeh my gheuley.

Hebrewnee 9:19

Son erreish da Moses v’er hoilshaghey magh dagh sarey da ooilley’n pobble cordail rish y leigh, ghow eh fuill lheiyee as goair, marish ushtey, as ollan gorrym-jiarg, as hyssop, as spreih eh chammah er y lioar as ooilley’n pobble, gra,

Joshua 2:21

As dooyrt ish, Cordail rish ny goan eu hene myr shen dy row eh. As hug ee ad ersooyl, as hie ad roue, as chiangle ee yn skeog scarleod syn uinniag.

Joshua 6:23

As hie ny deiney aegey, ny brialtee, stiagh, as hug ad lhieu magh Rahab, as e ayr, as e moir, as e braaraghyn, as ooilley ny v’eck; as hug ad lhieu magh ooilley e kynney, as ren ad faagail ad cheu-mooie jeh camp Israel.

Joshua 6:25

As ren Joshua sauail bioys Rahab yn ven-oast, as lught-thie e ayrey, as ooilley ny v’eck; (as t’ee cummal ayns Israel, gys y laa t’ayn jiu;) er-yn-oyr dy ren ee keiltyn ny chaghteryn hug Joshua magh dy ghoaill baght jeh Jericho.