Joshua 2:14 - Yn Vible Casherick 1775 1819

¹⁴ As dreggyr ny deiney ee, yn vioys ain son y vioys euish, my nee shiu keiltyn yn chooish ta shin mysh. As hig eh gy-kione, tra vees y Chiarn er choyrt dooin yn cheer, dy jean mayd dellal dy dooie as dy firrinagh rhyt.

Joshua 2:14 ပူးပေါင်းရင်းမြစ်များ

Genesis 24:49

As nish, my nee shiu dellal dy dooie, as dy firrinagh rish my vainshtyr, insh-jee dou: as mannagh jean shiu, insh-jee dou myrgeddin; dy voddym chyndaa gys y laue yesh, ny gys y laue hoshtal.

Genesis 47:29

As hayrn y traa er-gerrey dy row Israel dy gheddyn baase, as hug eh fys er e vac Joseph, as dooyrt eh rish, My ta mee nish er gheddyn foayr ayns dty hilley, cur, ta mee guee ort, dty laue fo my lheayst, as jean dellal dy dooie as dy firrinagh rhym: ny jean mish y oanluckey, ta mee guee ort, ayns Egypt.

2 Samuel 2:5

As hug David chaghteryn gys deiney Yabesh-gilead, as dooyrt eh roo, Bannit dy row shiuish jeh’n Chiarn, son y chenjallys shoh ta shiu er hoilshaghey da nyn jiarn, eer da Saul, as dy vel shiu er n’oanluckey eh.

2 Samuel 2:6

As nish dy jean y Chiarn kenjallys as firrinys y hoilshaghey diuish: as neem’s myrgeddin shoh nyn aigney-mie y chooilleeney, son dy vel shiu er n’yannoo yn red shoh.

2 Samuel 9:1

As dooyrt David, Vel foast veg er-mayrn jeh thie Saul, dy voddym kenjallys y yeeaghyn da er graih Yonathan?

1 Reeaghyn 20:39

As myr hie’n ree shaghey, deïe eh da’n ree: as dooyrt eh, Hie dty harvaant magh ayns mean y chaggey, as cur-my-ner, hyndaa dooinney dy lhiattee, as hug eh lesh dooinney hym, as dooyrt eh, Gow kiarail jeh’n dooinney shoh: my lhiggys oo yn raad da, eisht bee’n vioys ayd’s son y vioys echeysyn, er-nonney eeckys oo talent dy argid.

Raaghyn Creeney 14:22

Nagh vel ad er-shaghryn ta shêgin er olk? agh bee myghin as firrinys mâroosyn ta smooinaghtyn dy mie.

Raaghyn Creeney 18:24

Eshyn ta caarjyn echey, shegin da jeeaghyn eh-hene myr carrey: as ta carrey ayn lhiannys hood ny s’chenney na braar erbee.

Noo Mian 5:7

Bannit ta’n vooinjer vyghinagh: son bee myghin er ny hoilshaghey daue.

Jannoo 23:22

Myr shen lhig yn ard-chaptan yn raad da’n dooinney aeg, as hug eh currym er, Jeeagh nagh n’insh oo da dooinney erbee dy vel oo er hoilshaghey ny reddyn shoh dooys.

Joshua 2:13

As dy jean shiu sauail bio my ayr, as my voir, as my vraaraghyn, as my hayraghyn, as ooilley ny t’oc, as nyn mioys y livrey veih baase.

Joshua 2:15

Eisht lhig ee sheese ad er coyrd trooid yn uinniag: son va’n thie eck er voalley yn valley, as v’ee cummal er y voalley.

Joshua 6:17

As bee’n ard-valley hene, as ooilley ny t’ayn, fo mollaght gys y Chiarn: bioys Rahab yn ven-treoghe ny-lomarcan nee shiu y hauail, ish, as ooilley ny ta mâree ’sy thie; er-yn-oyr dy ren ee keiltyn ny chaghteryn ren shin y choyrt.

Joshua 6:22

Agh va Joshua er ghra rish y daa ghooinney va er ghoaill baght jeh’n cheer, Immee-jee gys thie yn ven-oast, as cur-jee lhieu ass shen yn ven, as ooilley ny t’eck, myr ren shiu loo jee.

Joshua 6:25

As ren Joshua sauail bioys Rahab yn ven-oast, as lught-thie e ayrey, as ooilley ny v’eck; (as t’ee cummal ayns Israel, gys y laa t’ayn jiu;) er-yn-oyr dy ren ee keiltyn ny chaghteryn hug Joshua magh dy ghoaill baght jeh Jericho.

1 Samuel 20:8

Shen-y-fa nee oo dellal myr carrey rish dty harvaant; son t’ou er n’yannoo conaant fenish y Chiarn eddyr uss as dty harvaant: ny-yeih, my ta mee-chairys aynym, marr mee oo-hene; son cre’n-fa yinnagh oo m’y livrey gys dty ayr?