Joshua 2:12 - Yn Vible Casherick 1775 1819

¹² Nish er-y-fa shen, ta mee guee erriu, loo-jee dou liorish y Chiarn, fakin dy vel mish er yeeaghyn kenjallys diuish, dy jean shiuish myrgeddin kenjallys y yeeaghyn da thie my ayrey; as cur-jee cowrey shickyr dou:

Joshua 2:12 ပူးပေါင်းရင်းမြစ်များ

Genesis 21:23

Nish er-y-fa shen, jean breearrey dou ayns shoh liorish Jee, nagh jean oo foalsaght rhym, ny rish my vac, ny rish mac my vac: agh cordail rish y chenjallys ta mee er hoilshaghey dhyt, dy jean uss y lheid cheddin dooys, as da’n cheer ayn t’ou er dty yoarreeaght.

Genesis 24:3

As ver-yms ort breearrey liorish y Chiarn, Jee niau as thalloo, nagh gow ben da my vac, jeh inneenyn ny Canaaniteyn, nyn mast’ ta mee cummal.

Genesis 24:9

As hug y stiurt e laue fo slheeayst Abraham e vainshtyr, as ren eh breearrey da, mychione y chooish shen.

Genesis 40:14

Agh cooinee orrym’s, tra hig eh dy mie lhiat, as soilshee kenjallys, ta mee guee ort, dooys; as jean imraa jee’m rish Pharaoh, as livrey mee ass y thie shoh.

2 Recortyssyn 36:13

As dirree eh magh myrgeddin noi ree Nebuchadnezzar, hug eh fo kiangley loo liorish Jee: agh v’eh creoi-wannallagh, as ard-chreeagh noi chyndaa gys y Chiarn Jee Israel.

Esther 8:6

Son kys oddym’s surranse dy akin lheid y chragh dy heet er my phobble? ny kys oddym’s gymmyrkey toyrt-mow my chynney.

Exodus 12:13

As bee’n uill diuish son cowrey er ny thieyn raad ta shiu: as tra hee-yms yn uill, hem shaghey, as cha bee’n chramp erriuish dy stroie shiu, tra nee’m bwoalley cheer Egypt.

Jeremiah 12:16

As hig eh gy-kione, my nee ad gynsaghey dy kiaralagh raaidyn my phobble, dy crauee loo liorish my ennym’s, gra, Myr ta’n Chiarn bio; (myr dynsee ad my phobble dy loo liorish Baal;) eisht yiow ad cummal shickyr, eer ayns mean my phobble.

Noo Mark 14:44

As hug eshyn v’er vrah eh cowrey daue, gra, Quoi-erbee ver-yms paag da, shen eh; gow-jee eh, as leeid-jee eh ersooyl dy sauchey.

Romanee 1:31

Fegooish tushtey, brishey conaantyn, fegooish graih dooghyssagh, elgyssee, neu-vyghinagh:

1 Timothy 5:8

Agh mannagh vel fer erbee kiarail cour e vooinjer hene, as erskyn ooilley ny chour ocsyn ta jeh’n lught-thie echey hene, t’eh er n’obbal y credjue, as t’eh ny smessey na an-chreestee.

Jamys 2:13

Son yiow eshyn briwnys dyn myghin, nagh vel er hoilshaghey myghin; as ta myghin boggyssagh harrish briwnys.

Joshua 2:13

As dy jean shiu sauail bio my ayr, as my voir, as my vraaraghyn, as my hayraghyn, as ooilley ny t’oc, as nyn mioys y livrey veih baase.

Joshua 2:18

Jeeagh, tra hig mayd gys y cheer, nee oo yn skeog shoh dy naie scarleod y chiangley ’syn uinniag ny hrooid ren oo shin y lhiggey sheese; as ver oo lhiat dty ayr, as dty voir, as dty vraaraghyn, as ooilley lught-thie dty ayrey, gys dty hie hene.

Joshua 2:19

As hig eh gy-kione, quoi-erbee hed magh er dorryssyn dty hie gys y traid, dy bee yn uill echey er y chione hene, as bee shinyn neu-chyndagh: as quoi-erbee vees mayrt’s ayns y thie, bee yn uill echeysyn er y chione ain, my ver dooinney erbee laue er.

Joshua 6:22

Agh va Joshua er ghra rish y daa ghooinney va er ghoaill baght jeh’n cheer, Immee-jee gys thie yn ven-oast, as cur-jee lhieu ass shen yn ven, as ooilley ny t’eck, myr ren shiu loo jee.

Joshua 9:15

As ren Joshua shee roo, as ren eh conaant roo, as hug eh nyn mioys daue; as ren princeyn y pobble breearrey dy reaylley’n chonaant.

Briwnyn 1:24

As honnick ny scrialtee dooinney cheet ass yn ard-valley; as dooyrt ad rish, Jeeagh dooin, ta shin guee ort, yn raad sassey dy chosney stiagh ’syn ard-valley, as bee mayd foayroil dhyt’s.

1 Samuel 30:15

As dooyrt David rish, Vod uss y raad y yeeaghyn dou gys y cheshaght shoh? As dooyrt eh, Jean breearrey dou liorish Jee, nagh jean oo m’y varroo, ny m’y livrey gys laueyn my vainshtyr, as ver-ym lhiam oo gys y cheshaght shoh.