Joshua 2:1 - Yn Vible Casherick 1775 1819

¹ As hug Joshua mac Nun magh daa ghooinney veih Shittim dy vriaght dy follit, gra roo, Immee-jee, gow-jee baght mie jeh’n cheer, dy jarroo jeh Jericho. As jimmee ad, as haink ad gys thie ben oast, enmyssit Rahab, as ghow ad aaght ayns shen.

Joshua 2:1 ပူးပေါင်းရင်းမြစ်များ

Genesis 42:16

Lhig da fer jiu goll, as nyn mraar y choyrt lesh, as bee shiuish freilt ayns pryssoon, dy vod ny goan eu ve er ny phrowal, vel firrinys erbee ayndoo: er-nonney, der bioys Pharaoh, she peeikearyn shiu.

Genesis 42:9

As chooinee Joseph er ny dreamallyn v’echey jeusyn, as dooyrt eh roo, She peeikearyn follit shiu: dy akin boghtynid y cheer ta shiu er jeet.

Micah 6:5

O my phobble, cooinee-jee nish er y choyrle ghow Balak ree Voab, as cre ren Balaam mac Veor eh y reggyrt voish Shittim gys Gilgal, dy vod shiu toiggal cairys y Chiarn.

Earrooyn 13:1

As loayr y Chiarn rish Moses, gra,

Earrooyn 13:2

Cur uss deiney, dy ghoaill baght jeh cheer Chanaan, ta mish dy choyrt da cloan Israel: ass dagh tribe jeh ny ayraghyn oc ver shiu magh dooinney, dagh fer ny ard leeideilagh ny mast’ oc.

Earrooyn 25:1

As ren Israel campal ayns Shittim, as ren y pobble toshiaght dy yannoo maarderys rish inneenyn Voab.

Earrooyn 33:49

As ren ad campal liorish Jordan, veih Beth-jesimoth gys Abel-shittim, ayns cheer-rea Voab.

Noo Mian 1:5

As hooar Salmon Booz rish Rachab, as hooar Booz Obed rish Ruth, as hooar Obed Jesse.

Noo Mian 10:16

Cur-my-ner ta mish dy choyrt shiu magh myr kirree mastey moddee-oaldey: Bee-jee er-y-fa shen tastagh myr ard-nieughyn, as ôney myr calmaneyn.

Ephesianee 5:5

Son shoh ta fys eu er, nagh vel ec maarderagh erbee, ny persoon neu-ghlen, ny ec dooinney sayntoilagh, ta coyrt ammys da jallooyn, eiraght edyr ayns reeriaght Chreest as Yee.

Hebrewnee 11:31

Liorish credjue ve, nagh ren yn ven-oast Rahab cherraghtyn mâroosyn nagh ren credjal, tra hug ee oltagh-bea da ny brialtee ayns shee.

Jamys 2:25

Myrgeddin neesht, nagh row Rahab yn ven-oast er ny heyrey liorish obbraghyn, tra v’ee er n’ghoaill stiagh ny chaghteryn, as er choyrt magh ad raad elley?

Joshua 1:18

Quoi-erbee nee girree magh noi dty harey, as nagh der geill da dty ghoan ayns ooilley ny t’ou dy oardagh, bee eh er ny choyrt gy-baase: agh bee uss dunnal as jeh cree mie.

Joshua 2:2

As ve er ny insh da ree Yericho, gra, Cur-my-ner, ta deiney er jeet stiagh ayns shoh noght jeh cloan Israel, dy scrial magh y cheer.

Joshua 21:31

As Helkath, as Rehob lesh nyn ghleebyn; kiare ard-valjyn.

Joshua 3:1

As dirree Joshua leah ’sy voghrey; as scugh ad veih Shittim, as haink ad gys Jordan, eshyn as ooilley cloan Israel, as ren ad campal ayns shen roish my jagh ad harrish.

Joshua 5:10

As ren cloan Israel campal ayns Gilgal, as dreill ad y chaisht er y chiarroo laa yeig jeh’n vee, ’syn astyr, ayns cheer-rea Yericho.

Briwnyn 1:23

As hug cloan Yoseph deiney dy scrial Beth-el: (nish va ennym Beth-el roïe Luz.)

Briwnyn 18:14

Eisht dreggyr ny queig deiney hie dy ghoaill baght jeh cheer Laish, as dooyrt ad rish nyn mraaraghyn, Vel fys eu dy vel ayns ny thieyn shoh, ephod, as teraphim, as jalloo grainnit, as jalloo lheït? nish er-y-fa shen, smooinee-jee cre t’eu dy yannoo?

Briwnyn 18:17

As hie ny queig deiney scrialtee yn cheer seose, as haink ad stiagh, as ghow ad yn jalloo grainnit, as yn ephod, as yn teraphim, as yn jalloo lheït: as hass y saggyrt ’sy yiat, marish ny shey cheead deiney-caggee armit.

Briwnyn 18:2

As hug cloan Dan magh veih ny ardjyn queig deiney jeh’n chynney oc hene, deiney dunnal, veih Zorah, as veih Eshtaol, dy scrial y cheer, as dy ghoaill baght jeh; as dooyrt ad roo, Immee-jee, gow-jee baght jeh’n cheer: as tra haink ad gys cronk Ephraim, gys thie Micah, ghow ad aaght ayns shen.