Joshua 19:51 - Yn Vible Casherick 1775 1819

⁵¹ Shoh ny eiraghtyn ren Eleazar y saggyrt, as Joshua mac Nun, as ard-reiltee tribeyn cloan Israel, y rheynn liorish lottyn son eiraght ayns Shiloh kiongoyrt rish y Chiarn, ec dorrys y chabbane-agglish: as shoh myr rheynn ad y cheer.

Joshua 19:51 ပူးပေါင်းရင်းမြစ်များ

Genesis 49:10

Cha jean y lorg-reill failleil veih Judah, ny fer-toyrt y leigh veih e luight, derrey nee Shiloh cheet: as huggeysyn, vees ny ashoonee er nyn jaglym stiagh.

Psalmyn 78:60

Tra cheayll Jee shoh, v’eh corree: as ghow eh jymmoose trome noi Israel;

Noo Mian 20:23

As dooyrt eh roo, Iu-ee shiu dy jarroo jeh my chappan, as bee shiu er nyn mashtey lesh y bashtey ta mish dy ve bashtit lesh: agh dy hoie er my laue yesh, as er my laue hoshtal, cha vel shen lhiam’s dy choyrt, agh ny-lomarcan dauesyn er nyn son te kiarit liorish my Ayr.

Noo Mian 25:34

Eisht jir y ree roosyn er e laue yesh, Tar-jee chloan vannit my Ayrey, gow-jee eiraght ’sy reeriaght ta kiarit diu er-dy hoshiaght y theihll.

Noo Ean 17:2

Myr t’ou er chur da pooar harrish ooilley sheelnaue, dy vod eh yn vea veayn y choyrt da whilleen as t’ou er chur da.

Jannoo 13:19

As tra v’eh er stroie shiaght ashoonyn ayns cheer Chanaan, rheynn eh yn thalloo oc orroo liorish cron.

Joshua 14:1

As shoh ny cheeraghyn va son eiraght da cloan Israel ayns cheer Chanaan, ren Eleazar y saggyrt, as Joshua mac Nun, as ard-gheiney tribeyn cloan Israel, rheynn orroo son eiraght.

Joshua 18:1

As va slane sheshaght cloan Israel er nyn jaglym cooidjagh ec Shiloh, as hoie ad seose y chabbane-agglish ayns shen. As va’n slane cheer lhieu hene.

Joshua 18:10

As cheau Joshua lottyn er nyn son ayns Shiloh kiongoyrt rish y Chiarn: as ayns shen rheynn Joshua yn cheer er cloan Israel, myr ve er ny hoiaghey magh.

Joshua 20:1

Eisht loayr y Chiarn rish Joshua, gra,

Briwnyn 21:19

Eisht dooyrt ad, Cur-my-ner, ta feailley-bleeaney dy ve freilt gys y Chiarn ayns Shiloh, ayns ynnyd my-hwoaie jeh Beth-el, er cheu-har jeh’n raad mooar ta goll seose veih Beth-el gys Shechem, as my-yiass jeh Lebonah.

Briwnyn 21:21

As gow-jee tastey, tra hee shiu inneenyn Shiloh cheet magh ayns sheshaght dy ghaunsin, eisht roie-jee magh ass ny garaghyn-feeyney, as taare-jee dagh dooinney e ven jeh inneenyn Shiloh, as cosne-jee gys thalloo Venjamin.

1 Samuel 1:3

As hie yn dooinney shoh seose ass e ard-valley dagh bleïn dy choyrt ooashley, as dy hebbal oural gys y Chiarn dy heshaght-flaunyss, ayns Shiloh. As va daa vac Eli, Hophni as Phinehas, saggyrtyn y Chiarn ayns shen.