Joshua 18:8 - Yn Vible Casherick 1775 1819

⁸ As hrog ny deiney orroo, as hie ad rhymboo: as hug Joshua currym orroosyn hie dy rheynn y cheer, gra, Immee-jee as shooyl-jee trooid y cheer, as soie-jee magh eh, as tar-jee reesht hym’s, dy voddyms ayns shoh lottyn y cheau er nyn son kiongoyrt rish y Chiarn ayns Shiloh.

Joshua 18:8 ပူးပေါင်းရင်းမြစ်များ

Genesis 13:17

Trog ort, shooyl trooid y cheer, er y lhiurid, as er y lheead echey; son dhyt’s ver-yms eh.

Isaiah 34:17

As t’eh er hilgey yn lot orroo, as ta e laue er rheynn shoh orroo liorish line: bee eh oc dy bragh son eiraght, as veih sheeloghe gys sheeloghe nee ad cummal ayn.

Romanee 14:19

Lhig dooin er-y-fa shen geiyrt da ny reddyn ta jannoo son shee, as lioroo oddys shin niartaghey y cheilley ’sy chredjue.

Joshua 13:7

Nee oo eisht rheynn y cheer shoh son eiraght er ny nuy tribeyn, as lieh-tribe Vanasseh.

Joshua 15:1

Shoh eisht va cronney tribe cloan Yudah lurg ny kynneeyn oc, gys ardjyn Edom; va faasagh Zin my-yiass yn chagliagh sodjey magh lesh y sheear-ass.

Joshua 18:1

As va slane sheshaght cloan Israel er nyn jaglym cooidjagh ec Shiloh, as hoie ad seose y chabbane-agglish ayns shen. As va’n slane cheer lhieu hene.

Joshua 18:10

As cheau Joshua lottyn er nyn son ayns Shiloh kiongoyrt rish y Chiarn: as ayns shen rheynn Joshua yn cheer er cloan Israel, myr ve er ny hoiaghey magh.

Joshua 18:6

Nee shiu er-y-fa shen soiaghey magh y cheer ayns shiaght ayrnyn, as ver shiu roym’s yn rheynn ta shiu er n’yannoo, dy voddym lottyn y hilgey er nyn son ayns shoh kiongoyrt rish y Chiarn nyn Yee.

Joshua 18:9

As jimmee ny deiney, as hie ad trooid y cheer, as hoie ad eh magh ayns shiaght ayrnyn, ayns lioar, lurg nyn ard-valjyn; as haink ad gys Joshua reesht gys y champ ec Shiloh.

1 Samuel 14:41

Eisht dooyrt Saul rish y Chiarn Jee Israel, Cur dooin cowrey cronnal. As haink y cowrey magh er Saul as Jonathan: agh va’n pobble er nyn seyrey.