Joshua 18:28 - Yn Vible Casherick 1775 1819

²⁸ As Zelah, as Eleph, as Jebusi, (ta shen Jerusalem,) Gibeath, as Kirjath; kiare ard-valjyn jeig, marish nyn maljyn-beggey. Shoh eiraght cloan Venjamin, cordail rish nyn gynneeyn.

Joshua 18:28 ပူးပေါင်းရင်းမြစ်များ

2 Samuel 21:14

As craueyn Saul as Yonathan e vac, doanluck ad ayns cheer Venjamin ayns Zelah, ayns lhiaght Kish e ayr; as chooilleen ad ooilley ny ren y ree y harey: as ny lurg shen va Jee foayroil da’n cheer.

2 Samuel 23:29

Heleb mac Baanah, yn Netophathite; Ittai mac Ribai, ass Gibeah jeh cloan Venjamin,

2 Samuel 5:6

As hie’n ree as e gheiney seose gys Jerusalem noi ny Jebusiteyn: as dooyrt cummaltee’n cheer rish David, Cha jig oo stiagh ayns shoh, son nee ny doail as ny baccee uss y reayll magh, gra, Cha jig oo stiagh ayns shoh.

2 Samuel 5:8

As dooyrt David er y laa shen, Quoi-erbee chosnys stiagh er ny gutteryn-ushtey, as woaillys ny Jebusiteyn, as ny baccee, as ny doail, ta dwoaie oc er annym Ghavid, bee eshyn ny ard-chaptan. Shen-y-fa te oc myr raa, Cre dooyrt ny doail as ny baccee rish [David]? Cha vow eh stiagh ’sy voayl shoh.

1 Recortyssyn 8:28

Ad shoh va king ny ayraghyn, rere nyn sheelogheyn, ard-gheiney. V’ad shoh cummal ayns Jerusalem.

Isaiah 10:29

T’ad er chosney er y raad sleitagh: t’ad er ghoaill seose nyn aaght ec Geba; ta Ramah ayns aggle; ta Gibeah-saul er-chea.

Jeremiah 6:1

O shiuish chloan Venjamin, chaggle-jee shiu hene cooidjagh dy chosney ersooyl ass mean Yerusalem, as jean-jee yn trumpet y heidey ayns Tekoa, as soie-jee seose aile cronnal ayns Beth-haccerem: son ta olk troggal ass y twoaie, as lhome-hraartys.

Hosea 10:9

O Israel, t’ou er chur-rish peccah veih laghyn Ghibeah: shen y raad hass ad: cha ren y caggey ayns Gibeah noi cloan ny drogh-yantee berraghtyn orroo.

Earrooyn 26:38

Mec Venjamin, lurg ny kynneeyn oc: jeh Bela, kynney ny Belaïtyn; jeh Ashbel, kynney ny Ashbeliteyn: jeh Ahiram, kynney ny Ahiramiteyn:

Earrooyn 26:54

Da mooarane ver oo ny smoo dy eiraght, as dauesyn sloo ayns earroo, ver oo ny sloo dy eiraght: da dagh tribe bee e eiraght er ny choyrt, cordail rish nyn earroo.

Earrooyn 33:54

As nee shiu yn cheer y rheynn liorish lot, son eiraght mastey ny kynneeyn eu, as da mooarane ver shiu ny smoo dy eiraght, as da’n veggan, ver shiu ny sloo: bee eiraght dagh dooinney raad ta e chronney tuittym: cordail rish tribeyn nyn ayraghyn, vees nyn eiraght.

Joshua 15:63

Agh er son ny Jebusiteyn, cummaltee Yerusalem, cha yarg cloan Israel ad y eiyrt magh: agh ta ny Jebusiteyn cummal marish cloan Yudah ec Jerusalem, gys y laa jiu.

Joshua 15:8

As hie’n chagliagh seose rish coan mac Hinnom, gys cheu-jiass y Jebusite; ta shen Jerusalem: as hie eh seose gys mullagh y clieau erskyn coan Hinnom sheear, ta ec kione-twoaie coan ny foawir:

Joshua 18:16

As haink eh neose gys kione y clieau ta lhie jeeragh er coan mac Hinnom, as ta ayns glione ny foawir my-hwoaie, as hie eh sheese lesh coan Hinnom, gys lhiattee Yebusi er y jiass, as sheese gys Enrogel,

Joshua 18:27

As Rekem, as Irpeel, as Taralah,

Joshua 19:1

As haink yn nah lot magh er Simeon, ta shen er tribe cloan Simeon lurg nyn gynneeyn: as va’n eiraght oc cheu-sthie jeh eiraght cloan Yudah.

Briwnyn 1:21

Agh cha row cloan Venjamin dy slane er n’eiyrt magh ny Jebusiteyn va cummal ayns Jerusalem; agh ta ny Jebusiteyn cummal mastey cloan Venjamin ayns Jerusalem gys y laa jiu.

Briwnyn 19:10

Agh cha n’uirragh y dooinney yn oie shen, agh hrog eh er, as hie eh roish, as haink eh er-gerrey da Jebus, (ta shen Jerusalem) as mârish daa assyl jeeltit; va e cho-lhiabbagh myrgeddin mârish.

1 Samuel 10:26

As hie Saul myrgeddin thie gys Gibeah, as gard dy gheiney-caggee mârish, ny creeaghyn oc va Jee er jyndaa dy ve lesh.