Joshua 18:12 - Yn Vible Casherick 1775 1819

¹² As va’n chagliagh oc er y twoaie veih Jordan, as hie eh seose rish lhiattee Yericho er cheu-twoaie, as seose trooid ny sleityn lesh y sheear; as va’n kione echey ec faasagh Veth-aven.

Joshua 18:12 ပူးပေါင်းရင်းမြစ်များ

Hosea 10:5

Gowee cummaltee Samaria aggle, kyndagh rish jallooyn baagh Veth-aven: son nee yn pobble echey dobberan harrish, as ny saggyrtyn ghow boggey jeh’n ghloyr echey, son dy vel eh er n’immeeaght veih.

Hosea 4:15

Ga dy vel uss Israel er n’yannoo streebeeys, ny-yeih, ny lhig da Judah ve kyndagh, as ny tar-jee gys Gilgal, chamoo gow-jee seose gys Beth-aven, ny loo-jee, Ta’n Chiarn bio.

Hosea 5:8

Sheid-jee yn cornet ayns Gibeah, as y trumpet ayns Ramah: yllee-jee dy ard ec Beth-aven: dty yeï’s, O Venjamin.

Joshua 16:1

As huitt cronney cloan Yoseph dy ve veih Jordan liorish Jericho, derrey ushtey Yericho lesh y shiar, gys yn aasagh ta goll seose veih Jericho trooid cronk Veth-el,

Joshua 18:11

As haink lot tribe cloan Venjamin magh cordail rish nyn gynneeyn: as haghyr ayrn y lot ocsyn dy ve eddyr cloan Yudah as cloan Yoseph.

Joshua 2:1

As hug Joshua mac Nun magh daa ghooinney veih Shittim dy vriaght dy follit, gra roo, Immee-jee, gow-jee baght mie jeh’n cheer, dy jarroo jeh Jericho. As jimmee ad, as haink ad gys thie ben oast, enmyssit Rahab, as ghow ad aaght ayns shen.

Joshua 3:16

Dy ren ny ushtaghyn haink neose shassoo, as lhieeney back, tammylt mie veih ard-valley Adam, ta er-gerrey da Zaretan: as ren ny ushtaghyn va roie sheese lesh faarkey yn strah, dy jarroo yn Faarkey Sailjey, failleil, as chyrmaghey seose: as hie yn pobble harrish jeeragh er Jericho.

Joshua 6:1

Nish va Jericho dy chion jeight seose, er-aggle roish cloan Israel: cha jagh unnane magh, as cha daink unnane stiagh.

Joshua 7:2

As ren Joshua deiney y choyrt, veih Jericho gys Ai, ta liorish Beth-aven, er cheu-har jeh Beth-el, as loayr eh roo, gra, Immee-jee seose, as gow-jee baght jeh’n cheer. As hie ny deiney seose as ghow ad baght jeh Ai.

Joshua 8:15

As lhig Joshua as ooilley Israel orroo myr dy row ad er choayl yn laa, as roie ad er-chea raad yn aasagh.

1 Samuel 13:5

As haggil ny Philistinee ad-hene cooidjagh dy chaggey rish Israel, three thousane fainagh, as shey thousane markiaght, as ny coshee myr yn gheinnagh er oirr ny marrey ayns earroo: as haink ad seose, as ren ad campal ayns Michmash, shiar veih Beth-aven.