Joshua 18:10 - Yn Vible Casherick 1775 1819

¹⁰ As cheau Joshua lottyn er nyn son ayns Shiloh kiongoyrt rish y Chiarn: as ayns shen rheynn Joshua yn cheer er cloan Israel, myr ve er ny hoiaghey magh.

Joshua 18:10 ပူးပေါင်းရင်းမြစ်များ

1 Recortyssyn 24:5

Myr shoh v’ad chammah’n derrey yeh as y jeh elley er nyn rheynn liorish nyn gronney; son va kiannoortyn y chiamble casherick, as kiannoortyn thie Yee, jeh mec Eleazar, as jeh mec Ithamar.

Nehemiah 11:1

As va fir-reill y pobble cummal ayns Jerusalem: hilg yn chooid elley jeh’n pobble lottyn, dy chur lhieu dy chooilley yeihoo ghooinney dy vaghey ayns Jerusalem yn ard-valley casherick, as nuy ayrnyn dy vaghey ayns ny ard-valjyn elley.

Psalmyn 47:4

Nee eshyn eiraght y reih magh nyn gour: dy jarroo ynnyd ooasle Yacob hug eh graih da.

Psalmyn 61:5

Son t’ou uss, O Hiarn, er chlashtyn my yeearreeyn: as er choyrt eiraght dauesyn ta goaill aggle roish dt’Ennym.

Raaghyn Creeney 18:18

Ta lottyn coyrt streeughyn gy-kione, as reaghey boiraghyn eddyr deiney niartal.

Jeremiah 7:12

Agh gow-jee nish gys yn ynnyd v’aym’s ayns Shiloh, raad ren mee my ennym y hoiaghey seose ec y toshiaght, as jeeagh-jee cre ren mee rish son mee-chraueeaght my phobble Israel.

Ezekiel 47:22

As hig eh gy-kione, dy jean shiu y rheynn eh lesh lottyn son eiraght diuish, as da ny joarreeyn ta baghey ny mast’ eu, as cloan oc nyn mastey: as bee adsyn diuish myr ruggit ayns y cheer, mastey cloan Israel, bee eiraght oc mêriu fud kynneeyn Israel.

Ezekiel 48:29

Shoh yn thalloo nee shiu y rheynn liorish cronney gys tribeyn Israel son eiraght, as shoh vees cronney dagh tribe jeu, ta’n Chiarn Jee dy ghra.

Micah 2:5

Shen-y-fa, cha bee unnane ayd, nee coyrd cronney y hayrn er dty hon’s, ayns co-chruinnaght y Chiarn.

Earrooyn 34:16

As loayr y Chiarn rish Moses, gra,

Noo Mian 27:35

As ren ad eh y chrossey, as rheynn ad e gharmadyn, tilgey lottyn: as shoh myr va cooilleenit shen loayr y phadeyr, Rheynn ad my gharmadyn nyn mast’ oc, as er my chooat ren ad lottyn y hilgey.

Noo Ean 17:2

Myr t’ou er chur da pooar harrish ooilley sheelnaue, dy vod eh yn vea veayn y choyrt da whilleen as t’ou er chur da.

Jannoo 13:19

As tra v’eh er stroie shiaght ashoonyn ayns cheer Chanaan, rheynn eh yn thalloo oc orroo liorish cron.

Jannoo 26:18

Dy osley nyn sooillyn, as dy hyndaa ad veih dorraghys gys soilshey, as veih pooar Noid-ny-hanmey gys Jee, dy vod ad leih peccaghyn y gheddyn, as eiraght nyn mast’ ocsyn t’er nyn gasherickey liorish y credjue ta aynym’s.

Colossianee 1:12

Coyrt booise da’n Ayr, ta er n’yannoo shin cooie dy ghoaill ayrn jeh eiraght ny nooghyn ayns soilshey:

Joshua 14:2

Liorish lottyn va nyn eiraght, myr ren y Chiarn sarey liorish Moses, da ny nuy tribeyn, as son y tribe dy lieh.

Joshua 14:5

Myr hug y Chiarn sarey da Moses, eer myr shen ren cloan Israel, as rheynn ad y cheer.

Joshua 18:11

As haink lot tribe cloan Venjamin magh cordail rish nyn gynneeyn: as haghyr ayrn y lot ocsyn dy ve eddyr cloan Yudah as cloan Yoseph.

Joshua 18:6

Nee shiu er-y-fa shen soiaghey magh y cheer ayns shiaght ayrnyn, as ver shiu roym’s yn rheynn ta shiu er n’yannoo, dy voddym lottyn y hilgey er nyn son ayns shoh kiongoyrt rish y Chiarn nyn Yee.

Joshua 18:8

As hrog ny deiney orroo, as hie ad rhymboo: as hug Joshua currym orroosyn hie dy rheynn y cheer, gra, Immee-jee as shooyl-jee trooid y cheer, as soie-jee magh eh, as tar-jee reesht hym’s, dy voddyms ayns shoh lottyn y cheau er nyn son kiongoyrt rish y Chiarn ayns Shiloh.

Joshua 18:9

As jimmee ny deiney, as hie ad trooid y cheer, as hoie ad eh magh ayns shiaght ayrnyn, ayns lioar, lurg nyn ard-valjyn; as haink ad gys Joshua reesht gys y champ ec Shiloh.

Joshua 19:51

Shoh ny eiraghtyn ren Eleazar y saggyrt, as Joshua mac Nun, as ard-reiltee tribeyn cloan Israel, y rheynn liorish lottyn son eiraght ayns Shiloh kiongoyrt rish y Chiarn, ec dorrys y chabbane-agglish: as shoh myr rheynn ad y cheer.

Joshua 23:4

Cur-jee my-ner, ta mee er rheynn erriu liorish lot ny ashoonyn shoh ta er-mayrn, dy ve son eiraght da ny tribeyn eu, veih Jordan, marish ooilley ny ashoonyn ta mee er yiarey jeh, derrey’n cheayn mooar lesh y sheear.