Joshua 17:7 - Yn Vible Casherick 1775 1819

⁷ As va cagliagh Vanasseh veih Asher gys Michmethah, jeeragh er Shechem; as ren yn oirr echey sheeyney er y laue yesh gys cummaltee En-tappuah.

Joshua 17:7 ပူးပေါင်းရင်းမြစ်များ

Genesis 34:2

As tra va Shechem mac Hamor yn Hivite, prince jeh’n cheer, er vakin ee, ghow eh ee, as lhie eh mâree, er-êgin.

Genesis 37:12

As hie e vraaraghyn, dy ghoaill kiarail jeh shioltane nyn ayrey ayns Shechem.

Genesis 37:14

As dooyrt eh rish, Immee, ta mee guee ort, jeeagh vel ooilley dy mie marish dty vraaraghyn, as marish ny shioltaneyn; as cur lhiat fys hym’s reesht: Myr shen hug eh magh eh trooid coan Hebron, as haink eh gys Shechem.

1 Reeaghyn 12:1

As hie Rehoboam gys Shechem: son va ooilley Israel er jeet gys Shechem, dy yannoo eh ny ree.

1 Reeaghyn 12:25

Eisht hrog Jeroboam Shechem er cronk Ephraim, as ren eh cummal ayns shen; as hie eh magh veih shen, as hrog eh Penuel.

1 Recortyssyn 6:67

As chur ad daue son ard-valjyn dy hauchys Shechem ayns cronk Ephraim, marish e gleebyn;

Psalmyn 60:6

Ta Jee er loayrt ayns e chasherickys, Nee’m boggey ’ghoaill as rheynn-ym Sichem: as towse-ym magh coan Succoth.

Joshua 17:6

Er-yn-oyr dy row eiraght ec inneenyn Vanasseh mastey ny mec echey: as va cheer Ghilead ec y chooid elley jeh mec Vanasseh.

Joshua 17:8

Nish va cheer Happuah lesh Manasseh: agh va Tappuah, er oirr Vanasseh, er ny choyrt da cloan Ephraim.

Joshua 20:7

As hoie ad er-lheh Kedesh dy Ghalilee ayns cronk Naphtali, as Shechem ayns cronk Ephraim, as Kirjath-arba (ta shen Hebron,) ayns slieau Yudah.

Joshua 21:21

Son hug ad daue Shechem, lesh e gleebyn ayns cronk Ephraim, son ard-valley dy hauchys da’n marrooder, as Gezer lesh e gleebyn,

Joshua 24:1

As haggil Joshua ooilley tribeyn Israel gys Shiloh, as deïe eh er shanstyr Israel, as er ny ard-gheiney, as er ny briwnyn, as er ny fir-oik; as haink ad fenish Yee.

Joshua 24:32

As craueyn Yoseph, hug cloan Israel lhieu seose ass Egypt, ren ad y oanluckey ayns Shechem, ayns y pheesh dy ghrunt chionnee Jacob veih mec Hamor, ayr Shechem, son keead peesh dy argid: as haink eh dy ve eiraght cloan Yoseph.

Briwnyn 9:1

As hie Abimelech mac Jerubbaal gys Shechem, gys braaraghyn e vayrey, as va taggloo oc ry-cheilley, as rish ooilley lught-thie ayr e voir, gra,