Joshua 17:6 - Yn Vible Casherick 1775 1819

⁶ Er-yn-oyr dy row eiraght ec inneenyn Vanasseh mastey ny mec echey: as va cheer Ghilead ec y chooid elley jeh mec Vanasseh.

Joshua 17:6 ပူးပေါင်းရင်းမြစ်များ

Ezekiel 48:4

As rish cagliagh Naphtali, veih’n lhiattee-har gys y lhiattee-heear cronney Vanasseh.

Joshua 13:29

As hug Moses eiraght da lieh-tribe Vanasseh: as shoh va eiraght lieh-tribe Vanasseh lurg ny kynneeyn oc:

Joshua 13:30

As va’n ayrn ocsyn veih Mahanaim, ooilley Bashan, ooilley reeriaght Og ree Vashan, as ooilley baljyn Jair, t’ayns Bashan, three-feed balley;

Joshua 13:31

As va lieh Ghilead, as Ashtaroth, as Edrei, baljyn reeriaght Og ayns Bashan, er ny choyrt da cloan Vachir mac Vanasseh, ta shen, da’n derrey lieh jeh cloan Vachir rere nyn gynneeyn.

Joshua 17:5

As hooar Manasseh jeih ayrnyn, cheu-mooie jeh thalloo Ghilead as Bashan, va er cheu elley dy Yordan;

Joshua 17:7

As va cagliagh Vanasseh veih Asher gys Michmethah, jeeragh er Shechem; as ren yn oirr echey sheeyney er y laue yesh gys cummaltee En-tappuah.

Joshua 22:7

Nish da’n derrey lieh jeh tribe Vanasseh va Moses er choyrt eiraght ayns Bashan; agh da’n lieh elley hug Joshua [eiraght] mastey nyn mraaraghyn er y cheu shoh dy Yordan lesh y sheear. As tra hug Joshua ad ersooyl gys nyn gummallyn, ren eh ad y vannaghey;