Joshua 17:4 - Yn Vible Casherick 1775 1819

⁴ As haink ad fenish Eleazar y saggyrt, as fenish Joshua mac Nun, as fenish ny princeyn, gra, Hug y Chiarn currym er Moses eiraght y choyrt dooin mastey nyn mraaraghyn. Shen-y-fa, hug eh daue eiraght mastey braaraghyn nyn ayrey, cordail rish sarey’n Chiarn.

Joshua 17:4 ပူးပေါင်းရင်းမြစ်များ

Earrooyn 27:1

Eisht haink inneenyn Zelophehad, mac Hepher, mac Ghilead, mac Machir, mac Vanasseh, jeh kynneeyn Vanasseh mac Yoseph: as shoh enmyn e inneenyn; Mahlah, Noah, as Hoglah, as Milcah, as Tirzah.

Earrooyn 27:4

Cre’n-fa veagh ennym yn ayr ain caillit mastey e chynney, son dy vel eh dyn mac? Cur dooin, er-y-fa shen, eiraght mastey braaraghyn nyn ayrey.

Earrooyn 36:10

Eer myr doardee yn Chiarn da Moses, shen myr ren inneenyn Zelophehad.

Galatianee 3:28

Cha vel ny sodjey Hew ny Greek, cha vel sharvaant ny seyr, cha vel fyrrynagh ny bwoirrynagh; son ta shiu ooilley unnane ayns Creest Yeesey.

Joshua 14:1

As shoh ny cheeraghyn va son eiraght da cloan Israel ayns cheer Chanaan, ren Eleazar y saggyrt, as Joshua mac Nun, as ard-gheiney tribeyn cloan Israel, rheynn orroo son eiraght.

Joshua 17:5

As hooar Manasseh jeih ayrnyn, cheu-mooie jeh thalloo Ghilead as Bashan, va er cheu elley dy Yordan;

Joshua 21:1

Eisht haink er-gerrey ard-gheiney ayraghyn ny Leviteyn gys Eleazar y saggyrt, as gys Joshua mac Nun, as gys ny shenn-ayryn leeideilee tribeyn Israel;