Joshua 17:17 - Yn Vible Casherick 1775 1819

¹⁷ As loayr Joshua rish thie Yoseph, ta shen rish Ephraim as rish Manasseh, gra, T’ou uss dty phobble mooar as niartal; cha bee oo currit jeh ynrycan lesh un chronney:

Joshua 17:17 ပူးပေါင်းရင်းမြစ်များ

Genesis 48:16

Yn ainle ren mish y livrey veih dy chooilley olk, dy bannee eh ny scollagyn; as lhig m’ennym’s ve orroo, as ennym m’ayraghyn Abraham as Isaac: as lhig daue bishaghey gys earrooyn dy leih, ayns mean y theihll.

Joshua 17:16

As dooyrt cloan Yoseph, Cha vel y chronk (mooar) dy liooar dooin: as ta fainee yiarn ec ooilley ny Canaaniteyn cummaltee cheer ny glionney, chammah ocsyn jeh Veth-shean as e baljyn, as ocsyn jeh glione Jezreel.

Joshua 17:18

Agh bee’n slieau lhiat’s; son te ny cheyll, as giaree oo sheese eh: as bee ny ardjyn echey lhiat’s: as eiyree oo magh ny Canaaniteyn, ga dy vel oc fainee yiarn, as my s’lajer ad.

1 Samuel 1:1

Nish va dooinney dy row jeh Ramathaim-zophim, jeh slieau Ephraim, as va’n ennym echey Elkanah, mac Jehoram, mac Elihu, mac Tohu, mac Zuph, ny Ephrathite: