Joshua 17:16 - Yn Vible Casherick 1775 1819

¹⁶ As dooyrt cloan Yoseph, Cha vel y chronk (mooar) dy liooar dooin: as ta fainee yiarn ec ooilley ny Canaaniteyn cummaltee cheer ny glionney, chammah ocsyn jeh Veth-shean as e baljyn, as ocsyn jeh glione Jezreel.

Joshua 17:16 ပူးပေါင်းရင်းမြစ်များ

1 Reeaghyn 18:45

As haink eh gy-kione ’sy traa cheddin, dy row’n aer dorraghey lesh bodjallyn as geay, as va deayrtey mooar fliaghee ayn. As varkee Ahab, as hie eh gys Jezreel.

1 Reeaghyn 18:46

As va laue’n Chiarn er Elijah: as chryss eh seose e veeghyn, as roie eh roish Ahab, derrey haink eh gys Jezreel.

1 Reeaghyn 21:1

As haink eh gy-kione lurg ny cooishyn shoh, dy row ec Naboth yn Jezreelite, va cummal ayns Jezreel, garey-feeyney ayns Samaria, er-gerrey da plaase Ahab ree Samaria.

1 Reeaghyn 21:23

As mychione Jezebel loayr y Chiarn myrgeddin, gra, Nee ny moddee gee Jezebel liorish voalley Jezreel.

1 Reeaghyn 4:12

Baana, mac Ahilud; fosyn va Taanach as Megiddo, as ooilley Beth-shean, ta liorish Zartanah liorish Jezreel, veih Beth-shean gys Abel-meholah, eer gys yn ynnyd t’er cheu elley jeh Jokneam.

2 Reeaghyn 9:10

As nee ny moddee gee Jezebel ayns magher Jezreel, as cha bee unnane dy oanluckey ee. As doshil eh yn dorrys, as chossyn eh roish.

2 Reeaghyn 9:37

As bee callin Jezebel myr eoylley er eaghtyr y thallooin, ayns magher Jezreel; myr shen nagh vod ad gra, She shoh Jezebel.

Jeremiah 49:2

Shen-y-fa, cur-my-ner, ta ny laghyn cheet, ta’n Chiarn gra, dy der-yms er larm-caggee dy ve ry-chlashtyn ayns Rabbah ny Ammoniteyn; as bee eh ny charnane traartagh, as bee ny inneenyn ecksh losht lesh aile: eisht bee Israel ny eirey dauesyn, va ny eiraghyn echeysyn, ta’n Chiarn dy ghra.

Joshua 15:56

As Jezreel, as Jokdeam, as Zanoah,

Joshua 17:11

As va ec Manasseh ayns Issachar, as ayns Asher, Beth-shean as e baljyn, as Ibleam as e baljyn, as cummaltee Dor as e baljyn, as cummaltee Endor as e baljyn, as cummaltee Taanach as e baljyn, as cummaltee Vegiddo as e baljyn, eer three cheeraghyn.

Joshua 17:15

As dreggyr Joshua ad, My t’ou pobble mooar ayns earroo, seose-jee eisht gys cheer ny keylley, jean gastyrt ny biljyn ayns shen, ayns cheer ny Perizziteyn, as ny foawir, my ta cronk Ephraim ro choon dhyt.

Joshua 17:17

As loayr Joshua rish thie Yoseph, ta shen rish Ephraim as rish Manasseh, gra, T’ou uss dty phobble mooar as niartal; cha bee oo currit jeh ynrycan lesh un chronney:

Joshua 17:18

Agh bee’n slieau lhiat’s; son te ny cheyll, as giaree oo sheese eh: as bee ny ardjyn echey lhiat’s: as eiyree oo magh ny Canaaniteyn, ga dy vel oc fainee yiarn, as my s’lajer ad.

Joshua 19:18

As roie’n chagliagh ocsyn lesh Jezreel, as Chesulloth, as Shunem,

Briwnyn 1:19

As va’n Chiarn marish Judah, as deiyr eh magh mooinjer-ny-ard, agh cha voddagh eh geiyrt magh cummaltee’n choan, er-yn-oyr dy row oc fainee yiarn.

Briwnyn 4:13

As ren Sisera chaglym cooidjagh ooilley ny fainee echey, nuy cheead fainagh yiarn, as ooilley’n cheshaght va mârish, veih Harosheth jeh ny ashoonyn gys awin Kishon.

Briwnyn 4:3

As ren cloan Israel gaccan gys y Chiarn; son va echey nuy cheead fainagh yiarn; as son feed bleïn ren eh dy mooar seaghney cloan Israel.

Briwnyn 6:33

Eisht va ooilley ny Midianiteyn, as ny Amalekiteyn, as cummaltee’n shiar, er nyn jaglym cooidjagh, as hie ad harrish, as ren ad campal ayns coan Jezreel.

1 Samuel 29:1

Nish hayrn ny Philistinee ooilley’n armee cooidjagh gys Aphek: as ren ny Israeliteyn campal liorish farrane ta ayns Jezreel.