Joshua 17:11 - Yn Vible Casherick 1775 1819

¹¹ As va ec Manasseh ayns Issachar, as ayns Asher, Beth-shean as e baljyn, as Ibleam as e baljyn, as cummaltee Dor as e baljyn, as cummaltee Endor as e baljyn, as cummaltee Taanach as e baljyn, as cummaltee Vegiddo as e baljyn, eer three cheeraghyn.

Joshua 17:11 ပူးပေါင်းရင်းမြစ်များ

2 Samuel 21:12

As doardee David, as ghow ad craueyn Saul as craueyn Yonathan e vac, veih deiney Yabesh-gilead, v’er gheid ad veih straid Beth-shan, raad chrogh ny Philistinee [ad, tra va ny Philistinee er varroo] Saul ayns Gilboa.

1 Reeaghyn 9:15

As shoh va oyr y cheesh hrog ree Solomon, Ry-hoi troggal thie’n Chiarn, as e hie hene, as Millo, as voalley Yerusalem, as Hazor, as Megiddo, as Gezer.

2 Reeaghyn 9:27

Agh tra honnick Ahaziah ree Yudah shoh, ren eh chea rish raad thie’n gharey: as deiyr Jehu er, as dooyrt eh, Bwoaill eh myrgeddin ’syn ainagh. As ren ad shen, er y raad seose gys Gur, ta liorish Ibleam. As chossyn eh gys Megiddo, as hooar eh baase ayns shen.

1 Recortyssyn 6:70

As veih lieh-tribe Vanasseh; Aner, marish e gleebyn; as Bileam, marish e gleebyn; son y kynney v’er-mayrn jeh mec Kohath.

1 Recortyssyn 7:29

As rish ardjyn cloan Vanasseh; Beth-shean, as e baljyn; Taanach, as e baljyn; Megiddo, as e baljyn; Dor, as e baljyn. Ayndoo shoh ren cloan Yoseph, mac Israel cummal.

2 Recortyssyn 35:22

Ny-yeih cha jinnagh Josiah e eddin y hyndaa voish, agh hug eh er cummey elley dy chaggey rish, as cha deaisht eh rish goan Necho veih beeal Yee, as haink eh dy chaggey ayns coan Vegiddo.

Psalmyn 83:10

Va er nyn stroie ec Endor: as haink dy ve myr eoylley er y thalloo.

Jeremiah 49:2

Shen-y-fa, cur-my-ner, ta ny laghyn cheet, ta’n Chiarn gra, dy der-yms er larm-caggee dy ve ry-chlashtyn ayns Rabbah ny Ammoniteyn; as bee eh ny charnane traartagh, as bee ny inneenyn ecksh losht lesh aile: eisht bee Israel ny eirey dauesyn, va ny eiraghyn echeysyn, ta’n Chiarn dy ghra.

Zechariah 12:11

As bee ayns y laa shen dobberan mooar ayns Jerusalem, myr dobberan Hadadrimmon ayns coan Vegiddon.

Joshua 11:2

As gys ny reeaghyn v’er cheu-twoaie jeh ny sleityn, as jeh ny strahghyn jiass jeh Cinneroth, as ayns y choan, as ayns slystyn Dor cheu-heear,

Joshua 12:21

Ree Taanach, unnane; ree Vegiddo, unnane;

Joshua 12:23

Ree Dor ayns slyst Dor, unnane; ree ashoonyn Ghilgal, unnane;

Joshua 16:9

As ny ard-valjyn va soit magh son cloan Ephraim v’ad fud eiraght cloan Vanasseh, ooilley ny baljyn-mooarey marish ny baljyn-beggey.

Joshua 17:10

My-yiass ve lesh Ephraim, as my-hwoaie ve lesh Manasseh, as y cheayn e chagliagh; as haink ad dy cheilley lesh Asher er y twoaie, as Issachar er y shiar.

Joshua 17:16

As dooyrt cloan Yoseph, Cha vel y chronk (mooar) dy liooar dooin: as ta fainee yiarn ec ooilley ny Canaaniteyn cummaltee cheer ny glionney, chammah ocsyn jeh Veth-shean as e baljyn, as ocsyn jeh glione Jezreel.

Briwnyn 1:27

Chamoo ren Manasseh geiyrt magh cummaltee Beth-shean as e baljyn, ny cummaltee Taanach as e baljyn, ny cummaltee Dor as e baljyn, ny cummaltee Ibleam as e baljyn, ny cummaltee Megiddo as e baljyn: agh va ny Canaaniteyn foast cummal ’sy cheer shen.

Briwnyn 5:19

Haink reeaghyn gys y chaggey; eisht ren reeaghyn Chanaan caggey ec Taanach rish ushtaghyn Megiddo: cha ren ad leagh-caggee erbee y ghoaill.

1 Samuel 28:7

Eisht dooyrt Saul rish e harvaantyn, Brie-jee magh dou ben ta spyrryd dy aishnys eck, dy voddym goll dy ghoaill coyrle j’ee. As dooyrt e harvaantyn rish, Cur-my-ner, ta ben ta spyrryd dy aishnys eck ayns Endor.

1 Samuel 31:10

As hug ad yn eïlley-caggee echey ayns thie Ashtaroth; as chrogh ad seose e chorp rish voalley Beth-shan.

1 Samuel 31:12

Hrog ooilley ny deiney dunnal orroo, as ren ad troailt fud-ny-hoie, as ghow ad sheese corp Saul, as kirp e vec, veih voalley Beth-shan, as haink ad gys Jabesh, as losht ad ad ayns shen.