Joshua 17:1 - Yn Vible Casherick 1775 1819

¹ Va cronney myrgeddin cour tribe Vanasseh, (son v’eh mac shinney Yoseph;) ta shen, son Machir mac shinney Vanasseh, ayr Ghilead; son dy nee dooinney caggee v’eh, shen-y-fa va Gilead as Bashan echey.

Joshua 17:1 ပူးပေါင်းရင်းမြစ်များ

Genesis 41:51

As denmys Joseph yn fer shinney Manasseh: son ta Jee, dooyrt eh, er chur orrym jarrood ooilley my hooilleil, as ooilley my heaghyn ayns thie my ayrey.

Genesis 41:52

As denmys eh yn nah er Ephraim: son ta Jee er chur orrym ve messoil ayns cheer my heaghyn.

Genesis 46:20

As da Joseph, ayns cheer Egypt, va ruggit Manasseh as Ephraim, ren Asenath inneen Potipherah, prince jeh On gymmyrkey da.

Genesis 48:17

As tra honnick Joseph, dy dug e ayr e laue yesh er kione Ephraim, cha by-laik lesh eh: as hrog eh seose laue e ayrey, dy scughey eh veih kione Ephraim gys kione Manasseh.

Genesis 48:18

As dooyrt Joseph rish e ayr, Cha nee myr shen, m’ayr: son eh shoh yn fer shinney; cur dty laue yesh er y chione echeysyn.

Genesis 50:23

As honnick Joseph cloan Ephraim, jeh’n trass heeloghe: myrgeddin va cloan Vachir, mac Vanasseh, troggit seose er glioonyn Yoseph.

2 Samuel 2:9

As ren eh eh ny ree harrish Gilead, as harrish ny Ashuriteyn, as harrish Jezreel, as harrish Ephraim, as harrish Benjamin, as harrish ooilley Israel.

1 Recortyssyn 2:23

As ghow eh Geshur, as Aram marish baljyn Jair; as Kenath as e baljyn, eer three-feed ard-valley: v’ad shoh ooilley lesh mec Machir ayr Ghilead.

Ezekiel 47:13

Myr shoh ta’n Chiarn Jee dy ghra, Shoh vees yn chagliagh, liorish nee shiu goaill yn cheer ayns eiraght, cordail rish daa hribe jeig Israel: bee daa ayrn ec Joseph.

Ezekiel 48:4

As rish cagliagh Naphtali, veih’n lhiattee-har gys y lhiattee-heear cronney Vanasseh.

Earrooyn 26:29

Jeh mec Vanasseh: jeh Machir, kynney ny Machiriteyn: as hooar Machir Gilead: jeh Gilead haink kynney ny Gileaditeyn.

Earrooyn 27:1

Eisht haink inneenyn Zelophehad, mac Hepher, mac Ghilead, mac Machir, mac Vanasseh, jeh kynneeyn Vanasseh mac Yoseph: as shoh enmyn e inneenyn; Mahlah, Noah, as Hoglah, as Milcah, as Tirzah.

Earrooyn 32:33

As hug Moses daue, ta shen dy ghra, da cloan Ghad, as da cloan Reuben, as da lieh-tribe Vanasseh mac Yoseph, reeriaght Sihon ree ny Amoriteyn, as reeriaght Og ree Vashan, yn cheer lesh e ard-valjyn, ayns ny ardjyn, eer ard-valjyn y cheer ooilley mygeayrt.

Deuteronomy 21:17

Agh nee eh goaill rish y mac eck’s sloo bynney lesh, dy ve yn eirey, liorish coyrt da ayrn dooble jeh ooilley ny t’echey: son toshiaght e niart eh: ta cairys eiraght echey.

Joshua 17:2

Va cronney neesht son y chooid elley jeh cloan Vanasseh rere nyn gynneeyn; son cloan Abiezer, as son cloan Helek, as son cloan Asriel, as son cloan Shechem, as son cloan Hepher, as son cloan Shemida: ad shoh va mec Vanasseh mac Yoseph, liorish nyn gynneeyn.

Joshua 22:7

Nish da’n derrey lieh jeh tribe Vanasseh va Moses er choyrt eiraght ayns Bashan; agh da’n lieh elley hug Joshua [eiraght] mastey nyn mraaraghyn er y cheu shoh dy Yordan lesh y sheear. As tra hug Joshua ad ersooyl gys nyn gummallyn, ren eh ad y vannaghey;

Briwnyn 5:14

Ass Ephraim haink fraue jeu noi Amalek; dty lurg’s, haink Benjamin, mastey dty phobble: veih Machir haink sheese fir-reill, as veih Zebulun adsyn ta geiyrt pen y scrudeyr.