Joshua 16:9 - Yn Vible Casherick 1775 1819

⁹ As ny ard-valjyn va soit magh son cloan Ephraim v’ad fud eiraght cloan Vanasseh, ooilley ny baljyn-mooarey marish ny baljyn-beggey.

Joshua 16:9 ပူးပေါင်းရင်းမြစ်များ

2 Samuel 2:9

As ren eh eh ny ree harrish Gilead, as harrish ny Ashuriteyn, as harrish Jezreel, as harrish Ephraim, as harrish Benjamin, as harrish ooilley Israel.

1 Recortyssyn 7:28

Nyn eiraght as nyn gummallyn va, Beth-el, as e baljyn: as lesh y shiar, Naaran: as lesh y sheear, Gezer, marish e baljyn; Shechem myrgeddin, as e baljyn, derrey Gaza, as e baljyn:

Ezekiel 48:5

As rish cagliagh Vanasseh, veih’n lhiattee-har gys y lhiattee-heear cronney Ephraim.

Joshua 16:10

As cha deiyr ad magh ny Canaaniteyn, va cummal ayns Gezer: agh ta ny Canaaniteyn, cummal mastey ny Ephraimiteyn gys y laa jiu, as shirveish fo keesh.

Joshua 16:8

Hie’n chagliagh magh veih Tappuah sheear gys awin Kanah; as ren eh jerrey ec yn aarkey. Shoh eiraght tribe cloan Ephraim rere ny kynneeyn oc.

Joshua 17:9

As roie’n chagliagh sheese gys awin Kanah, jiass jeh’n awin: ta ny ard-valjyn shoh jeh Ephraim mastey ard-valjyn Vanasseh: va cagliagh Vanasseh neesht er cheu-twoaie yn awin, as va’n cheu-mooie echey rish y cheayn: