Joshua 16:10 - Yn Vible Casherick 1775 1819

¹⁰ As cha deiyr ad magh ny Canaaniteyn, va cummal ayns Gezer: agh ta ny Canaaniteyn, cummal mastey ny Ephraimiteyn gys y laa jiu, as shirveish fo keesh.

Joshua 16:10 ပူးပေါင်းရင်းမြစ်များ

1 Reeaghyn 9:15

As shoh va oyr y cheesh hrog ree Solomon, Ry-hoi troggal thie’n Chiarn, as e hie hene, as Millo, as voalley Yerusalem, as Hazor, as Megiddo, as Gezer.

1 Reeaghyn 9:16

Son va Pharaoh ree Egypt er gholl seose, as er ghoaill Gezer, as er lostey eh lesh aile, as er varroo ny Canaaniteyn va baghey ’syn ard-valley, as er choyrt eh son toghyr lesh e inneen, ben Solomon.

1 Reeaghyn 9:21

Nyn gloan va faagit nyn yeï ’sy cheer, adsyn myrgeddin nagh row cloan Israel dy slane er vainshtyragh, jeu shoh hrog Solomon keesh dy hirveish-bondiaght gys y laa jiu.

2 Recortyssyn 8:8

Agh jeh’n chloan ocsyn va faagit nyn yeï ’sy cheer, nagh row cloan Israel er stroie; ad shoh hug Solomon fo keesh, gys y traa t’ayn.

Joshua 10:33

Eisht haink Horam ree Ghezer dy chooney lesh Lachish; as woaill Joshua eshyn as e gheiney, derrey nagh daag eh veg er-mayrn.

Joshua 15:63

Agh er son ny Jebusiteyn, cummaltee Yerusalem, cha yarg cloan Israel ad y eiyrt magh: agh ta ny Jebusiteyn cummal marish cloan Yudah ec Jerusalem, gys y laa jiu.

Joshua 16:9

As ny ard-valjyn va soit magh son cloan Ephraim v’ad fud eiraght cloan Vanasseh, ooilley ny baljyn-mooarey marish ny baljyn-beggey.

Joshua 17:12

Ny-yeih cha yarg cloan Vanasseh er geiyrt magh cummaltee ny baljyn shen, agh dreill ny Canaaniteyn nyn gummal ’sy cheer shen er niart.

Joshua 17:13

Ny-yeih haink eh gy-kione, tra va cloan Israel er n’ghoaill niart, dy dug ad ny Canaaniteyn fo keesh; agh cha deiyr ad magh ad dy bollagh.

Briwnyn 1:29

Chamoo ren Ephraim geiyrt magh ooilley ny Canaaniteyn va cummal ayns Gezer; agh va ny Canaaniteyn cummal ayns Gezer ny mast’ oc.