Joshua 15:8 - Yn Vible Casherick 1775 1819

⁸ As hie’n chagliagh seose rish coan mac Hinnom, gys cheu-jiass y Jebusite; ta shen Jerusalem: as hie eh seose gys mullagh y clieau erskyn coan Hinnom sheear, ta ec kione-twoaie coan ny foawir:

Joshua 15:8 ပူးပေါင်းရင်းမြစ်များ

2 Samuel 5:18

Haink ny Philistinee myrgeddin, as skeayl ad ad-hene ayns coan Rephaim.

2 Samuel 5:22

As haink ny Philistinee seose reesht, as skeayl ad ad-hene ayns coan Rephaim.

2 Reeaghyn 23:10

As ren eh torran jeh Topheth, ta ayns coan cloan Hinnom, nagh jinnagh dooinney erbee er e vac ny e inneen dy gholl trooid yn aile gys Molech.

1 Recortyssyn 11:4

As hie David as ooilley Israel gys Jerusalem, ta shen, Jebus, raad va ny Jebusiteyn, cummaltee yn cheer.

2 Recortyssyn 28:3

Marish shoh, ren eh lostey incense ayns coan mac Hinnom, as heb eh e chloan son oural-losht, lurg cliaghtey eajee ny ashoonee va’n Chiarn er n’imman magh roish cloan Israel.

Nehemiah 11:30

Zanoah, Adullam, as ny baljyn oc, ec Lachish as e magheryn, ec Azekah as e baljyn. As ren ad cummal veih Beer-sheba gys coan Hinnom.

Isaiah 17:5

As shen myr vees eh, myr tra ta beaynee chaglym yn arroo, as buinn ny jeeassyn lesh e laue; as bee eh goll-rishyn ta jeeassyragh ayns coan Rephaim.

Jeremiah 19:14

Eisht haink Jeremiah veih Tophet, raad va’n Chiarn er choyrt eh dy yannoo phadeyrys, as hass eh ayns cooyrt thie yn Chiarn, as dooyrt eh rish ooilley yn pobble.

Jeremiah 19:2

As gow magh gys coan mac Hinnom, ta er-gerrey da’n raad myr t’ou goll stiagh er y yiat har, as jean fockley-magh ayns shen ny goan ver-yms royd;

Jeremiah 19:6

Shen-y-fa, cur-my-ner, ta ny laghyn cheet, ta’n Chiarn dy ghra, nagh bee yn ynnyd shoh ny-sodjey enmyssit Tophet, ny, Coan mac Hinnom, agh, Coan y dunverys.

Joshua 15:63

Agh er son ny Jebusiteyn, cummaltee Yerusalem, cha yarg cloan Israel ad y eiyrt magh: agh ta ny Jebusiteyn cummal marish cloan Yudah ec Jerusalem, gys y laa jiu.

Joshua 18:16

As haink eh neose gys kione y clieau ta lhie jeeragh er coan mac Hinnom, as ta ayns glione ny foawir my-hwoaie, as hie eh sheese lesh coan Hinnom, gys lhiattee Yebusi er y jiass, as sheese gys Enrogel,

Joshua 18:28

As Zelah, as Eleph, as Jebusi, (ta shen Jerusalem,) Gibeath, as Kirjath; kiare ard-valjyn jeig, marish nyn maljyn-beggey. Shoh eiraght cloan Venjamin, cordail rish nyn gynneeyn.

Briwnyn 1:21

Agh cha row cloan Venjamin dy slane er n’eiyrt magh ny Jebusiteyn va cummal ayns Jerusalem; agh ta ny Jebusiteyn cummal mastey cloan Venjamin ayns Jerusalem gys y laa jiu.

Briwnyn 1:8

(Nish va cloan Yudah er chaggey noi Jerusalem, as er ghoaill eh, as er woalley eh lesh foyr y chliwe, as er hoiaghey yn ard-valley er aile.)

Briwnyn 19:10

Agh cha n’uirragh y dooinney yn oie shen, agh hrog eh er, as hie eh roish, as haink eh er-gerrey da Jebus, (ta shen Jerusalem) as mârish daa assyl jeeltit; va e cho-lhiabbagh myrgeddin mârish.