Joshua 15:2 - Yn Vible Casherick 1775 1819

² As va’n chagliagh shiar-ass oc veih oirr yn Aarkey Sailjey, veih’n baïe ta lhie lesh y jiass:

Joshua 15:2 ပူးပေါင်းရင်းမြစ်များ

Genesis 14:3

V’ad shoh er nyn jaglym cooidjagh ayns coan Siddim, ta nish enmyssit yn keayn sailjey.

Isaiah 11:15

As nee’n Chiarn dy bollagh stroie chengey faarkey Egypt; as lesh e gheay niartal nee eh craa e laue harrish yn awin, as bwoaillee eh eh ayns ny shiaght strooanyn, as hed deiney harrish ry nyn gosh.

Ezekiel 47:18

As y lhiattee-har nee shiu towse veih Hauran, as veih Damascus, as veih Gilead, as veih thalloo Israel rish Jordan, veih’n oirr gys yn aarkey-har; as shoh yn lhiattee-har.

Ezekiel 47:8

Eisht dooyrt eh rhym, Ta ny ushtaghyn shoh roie magh lesh cheer yn niar, as sheese gys yn aasagh, as goll ayns yn aarkey: tra hig ad fud ushtaghyn ny marrey, bee ny ushtaghyn shen er nyn lheihys.

Earrooyn 34:3

Eisht bee’n kierroo jiass eu, veih faasagh Zin, seose rish slyst Edom: as y chagliagh jiass eu vees ec oirr sodjey magh y cheayn-sailley, lesh y niar.

Joshua 15:1

Shoh eisht va cronney tribe cloan Yudah lurg ny kynneeyn oc, gys ardjyn Edom; va faasagh Zin my-yiass yn chagliagh sodjey magh lesh y sheear-ass.

Joshua 15:3

As hie eh magh my-yiass gys Maaleh-acrabbim, as roie eh er-lhongst gys Zin, as hie eh seose er y cheu jiass gys Kadesh-barnea; goll er y hoshiaght gys Hezron, as seose gys Adar, as ghow eh combaase gys Karkaa:

Joshua 3:16

Dy ren ny ushtaghyn haink neose shassoo, as lhieeney back, tammylt mie veih ard-valley Adam, ta er-gerrey da Zaretan: as ren ny ushtaghyn va roie sheese lesh faarkey yn strah, dy jarroo yn Faarkey Sailjey, failleil, as chyrmaghey seose: as hie yn pobble harrish jeeragh er Jericho.