Joshua 15:10 - Yn Vible Casherick 1775 1819

¹⁰ As hie’n chagliagh mygeayrt veih Baalah lesh y sheear gys cronk Seir, as veih shen derrey slyst cronk Jearim (ta Chesalon) er y twoaie, as hie eh sheese gys Beth-shemesh, as veih shen gys Timnah:

Joshua 15:10 ပူးပေါင်းရင်းမြစ်များ

2 Samuel 6:2

As hrog David er, as hie eh lesh ooilley’n pobble va mârish veih Baale ayns Judah, dy choyrt lhieu seose veih shen arg Yee, kiongoyrt rish t’ad geamagh er ennym y Chiarn dy heshaght-flaunyss, ta cummal eddyr ny Cherubim.

2 Reeaghyn 14:11

Agh cha n’eaishtagh Amaziah: Shen-y-fa hie Jehoash ree Israel seose; as hug eshyn as Amaziah ree Yudah eddin yn derrey yeh da’n jeh elley ec Beth-shemesh, va bentyn da Judah.

2 Recortyssyn 28:18

Va ny Philistinee myrgeddin er vrishey stiagh er ard-valjyn ny strahghyn, as my-yiass jeh Judah, as er ghoaill Beth-shemesh, as Ajalon, as Gederoth, as Shocho lesh e baljyn, as Timnah lesh e baljyn, Gimzo myrgeddin as e baljyn: as ren ad cummal ayndoo.

Joshua 15:11

As hie’n chagliagh magh my-hwoaie, gys lhiattee Ekron: as va’n chagliagh er ny hayrn gys Shicron, as roie eh jeeragh magh gys cronk Baalah, as hie eh magh gys Jabneel; as va kione sodjey magh y chagliagh ec yn aarkey.

Joshua 15:57

Cain, Gibeah, as Timnah; jeih baljyn-mooarey, marish nyn maljyn-beggey:

Joshua 19:38

As Iron, as Migdal-el, Horem, as Beth-anath, as Beth-shemesh; nuy ard-valjyn jeig marish nyn maljyn-beggey.

Joshua 21:16

As Ain lesh e gleebyn, as Juttah lesh e gleebyn, as Beth-shemesh lesh e gleebyn; nuy ard-valjyn ass y daa hribe shen.

Briwnyn 14:1

As hie Samson sheese gys Timnath, as honnick eh ben ayns Timnath jeh inneenyn ny Philistinee.

Briwnyn 14:5

Eisht hie Samson, as e ayr, as e voir, sheese gys Timnath, as haink ad gys garaghyn-feeyney Timnath: as cur-my-ner, ren lion aeg garveigagh n’oï.

1 Samuel 6:9

As gow-jee tastey, my te goll seose rish raad ny ardjyn echey hene lesh Beth-shemesh, she eshyn eisht t’er choyrt yn kerraghey trome shoh orrin: agh mannagh gow eh yn raad shen, eisht bee fys ain nagh nee’n laue echeysyn ren shin y woalley; cha row eh agh lhag-haghyrt haink orrin.