Joshua 14:4 - Yn Vible Casherick 1775 1819

⁴ Son va cloan Yoseph daa hribe, Manasseh as Ephraim; agh cha dug ad ayrn erbee ’sy cheer da ny Leviteyn, er-lhimmey jeh ard-valjyn dy chummal ayndoo, lesh ny gleebyn va bentyn roo son nyn maase as son nyn gooid.

Joshua 14:4 ပူးပေါင်းရင်းမြစ်များ

Genesis 41:51

As denmys Joseph yn fer shinney Manasseh: son ta Jee, dooyrt eh, er chur orrym jarrood ooilley my hooilleil, as ooilley my heaghyn ayns thie my ayrey.

Genesis 41:52

As denmys eh yn nah er Ephraim: son ta Jee er chur orrym ve messoil ayns cheer my heaghyn.

Genesis 46:20

As da Joseph, ayns cheer Egypt, va ruggit Manasseh as Ephraim, ren Asenath inneen Potipherah, prince jeh On gymmyrkey da.

Genesis 48:1

As haink eh gy-kione lurg ny reddyn shoh, dy row eh er ny insh da Joseph, Cur-my-ner, ta dty ayr ching: as ghow eh marish e ghaa vac, Manasseh as Ephraim.

Genesis 48:5

As nish er son dty ghaa vac, Ephraim as Manasseh, va ruggit dhyt ayns cheer Egypt, roish my daink mish hood gys Egypt, she lhiam’s ad: myr Reuben as Simeon, bee ad lhiam’s.

Genesis 48:6

As dty luight, nee uss y gheddyn ny lurg oc, lhiat’s vees ad, as bee ad er n’enmys lurg ennym nyn mraaraghyn ayns yn eiraght oc.

2 Recortyssyn 30:1

As hug Hezekiah fys gys ooilley Israel as Judah, as hug eh screeunyn myrgeddin gys Ephraim as Manasseh, ad dy heet seose gys thie’n Chiarn ec Jerusalem, dy reayll yn chaisht da’n Chiarn, Jee Israel.

Earrooyn 26:28

Mec Yoseph, lurg ny kynneeyn oc, va Manasseh as Ephraim.

Joshua 16:4

Myr shen ghow cloan Yoseph, Manasseh as Ephraim, nyn eiraght.