Joshua 14:11 - Yn Vible Casherick 1775 1819

¹¹ As ny-yeih ta mee cha mioyral jiu as va mee er y laa hug Moses mee er y chaghteraght: myr va my niart ’sy traa shen eer ta my niart nish, chammah dy gholl magh as dy heet stiagh ayns caggey.

Joshua 14:11 ပူးပေါင်းရင်းမြစ်များ

Psalmyn 103:5

Ta jannoo magh dty veeal lesh nheeghyn mie: jannoo oo aeg as lajer myr urley.

Psalmyn 90:10

Ta laghyn yn eash ain three-feed bleïn as jeih: as ga dy vod deiney ’ve cha lajer as dy roshtyn kiare-feed bleïn; ny-yeih cha vel y troshid oc eisht agh deinys as trimshey; cha leah shen te er n’gholl shaghey, as ta shin goit jeh.

Isaiah 40:31

Agh yiow adsyn ta farkiaght er y Chiarn niart ass-y-noa; etlee ad seose myr er skianyn urley; nee ad roie as cha bee ad skee, nee ad shooyl, as cha jed ad neeal.

Deuteronomy 31:2

As dooyrt eh roo, Ta mee jiu shey-feed bleïn d’eash; cha voddym ny-sodjey goll magh, ny cheet stiagh [nyn leeideilagh]; ta’n Chiarn myrgeddin er ghra rhym, Cha jed oo harrish y Jordan shoh.

Deuteronomy 33:25

Bee yiarn as prash fo dty chassyn; as myr vees dty laghyn, myr shen bee dty niart.

Deuteronomy 34:7

As va Moses shey-feed bleïn d’eash tra hooar eh baase; cha row e hooill moal, chamoo v’eh er choayl e lheihll.

Joshua 14:10

As cur-my-ner nish, ta’n Chiarn er my reayll bio, myr yiall eh dou, ny queig bleeaney as da-eed shoh, er-dyn traa loayr y Chiarn yn fockle shoh rish Moses, choud as va cloan Israel er nyn yurnah ’syn aasagh: as cur-my-ner nish, ta mee yn laa jiu kiare-feed as queig bleeaney dy eash.