Joshua 13:6 - Yn Vible Casherick 1775 1819

⁶ Ooilley cummaltee ny sleityn, veih Lebanon gys Misrephoth-maim, as ooilley ny Sidonianee, adsyn nee’m geiyrt magh roish cloan Israel: as rheynn uss eh liorish lot mastey cloan Israel son eiraght, myr ta mee er dty harey.

Joshua 13:6 ပူးပေါင်းရင်းမြစ်များ

Psalmyn 80:8

T’ou er choyrt lhiat billey-feeyney magh ass Egypt: t’ou er n’eiyrt magh ny ashoonyn-quaagh, as er hoiaghey eh.

Earrooyn 33:54

As nee shiu yn cheer y rheynn liorish lot, son eiraght mastey ny kynneeyn eu, as da mooarane ver shiu ny smoo dy eiraght, as da’n veggan, ver shiu ny sloo: bee eiraght dagh dooinney raad ta e chronney tuittym: cordail rish tribeyn nyn ayraghyn, vees nyn eiraght.

Joshua 1:6

Bee dunnal as jeh cree mie; son da’n pobble shoh nee oo rheynn son eiraght yn cheer, loo mee da nyn ayraghyn dy choyrt daue.

Joshua 11:12

As ooilley ard-valjyn ny reeaghyn shen, as ooilley ny reeaghyn oc, ren Joshua ’ghoaill, as woaill eh ad lesh foyr y chliwe; as stroie eh ad dy bollagh, myr va Moses sharvaant y Chiarn er harey.

Joshua 11:8

As ren y Chiarn ad y livrey gys laue Israel, ren ad y woalley, as nyn glo gys Zidon mooar, as gys Misrephoth-maim, as gys glione Vispeh cheu-har, as ren eh ad y stroie, derrey nagh row fer jeu faagit.

Joshua 13:7

Nee oo eisht rheynn y cheer shoh son eiraght er ny nuy tribeyn, as lieh-tribe Vanasseh.

Joshua 23:13

Toig-jee son firrinys nagh jean y Chiarn y Jee eu arragh gimman magh reue veg jeh ny ashoonyn shoh; agh bee ad myr ribbaghyn as geulaghyn diu, as son drineyn, ayns nyn lhiatteeyn, as jilg ayns nyn sooillyn, derrey hed shiu naardey ass y cheer mie shoh, ta’n Chiarn nyn Yee er choyrt diu.

Joshua 23:4

Cur-jee my-ner, ta mee er rheynn erriu liorish lot ny ashoonyn shoh ta er-mayrn, dy ve son eiraght da ny tribeyn eu, veih Jordan, marish ooilley ny ashoonyn ta mee er yiarey jeh, derrey’n cheayn mooar lesh y sheear.

Joshua 23:5

As y Chiarn y Jee eu, eh-hene nee geiyrt ad magh kiongoyrt riu, as nyn imman ass y chilley eu; as gowee shiu yn cheer oc diu hene, myr ta’n Chiarn y Jee eu er yialdyn diu.